ევროპის მასშტაბით სასტუმროების მენეჯერების აბსოლუტური უმრავლესობა (80%) მიიჩნევს, რომ ენერგიის ფასების ზრდა ინდუსტრიის ყველაზე დიდ გამოწვევაა. ეს აჩვენა Statista-ს კვლევამ – European Accommodation Barometer 2022-მა.

გამოკითხვაში მონაწილეობდა 1000 სასტუმროს მფლობელი 10 ქვეყნიდან, მათ შორის საფრანგეთიდან, გერმანიიდან და ესპანეთიდან. მათ ისაუბრეს ბოლო ექვსი თვის განმავლობაში განთავსების ობიექტებში არსებულ მდგომარეობაზე და მომდევნო ექვსი თვის პროგნოზებზე.
ენერგეტიკულ ხარჯებთან ერთად, გამოკითხულთა 48%-ს აწუხებს საერთო ეკონომიკური მდგომარეობა, 43%-ს პერსონალის დაქირავება და შენარჩუნება, ხოლო 42%-ს პერსონალის ხარჯები. ზოგადად, სასტუმროს მფლობელებმა თავიანთი ბიზნესის მდგომარეობა დადებითად შეაფასეს ბოლო ექვსი თვის განმავლობაში, 70% მას უწოდებს „კარგს“ ან „ძალიან კარგს“.

მომავალზე საუბრისას, აქ რესპონდენტები ნაკლებად ოპტიმისტურები არიან: მხოლოდ დაახლოებით 40%-მა აირჩია პასუხი „დადებითი“ ან „ძალიან დადებითი“, ხოლო 17%-მა - „ძალიან უარყოფითი“.

სასტუმროს მფლობელებს ასევე დაუსვეს კითხვა მომავალი ექვსი თვის საინვესტიციო გეგმების შესახებ. 23% გეგმავს ნაკლების დახარჯვას, 28% - პირიქით, მეტს, დანარჩენი კი არ შეცვლის ინვესტიციების მოცულობას.

გარდა ამისა, რესპონდენტებმა აღიარეს, რომ ისინი უფრო მეტად მზად არიან ციფრული ტრანსფორმაციისთვის, ვიდრე „მწვანე“, ეკოლოგიაზე მზრუნველ ცვლილებებზე.

გამოკითხულთა 31%-ისთვის სოციალურ ქსელებში მარკეტინგი სირთულეებს იწვევს.
მდგრადი განვითარების თვალსაზრისით, გამოკითხულთა ნახევარი უმთავრეს პრიორიტეტად მიიჩნევს ენერგოეფექტურობას, რასაც მოსდევს ნარჩენების შემცირება (29%) და ბუნებრივი რესურსების კონსერვაცია (19%).