ევროპის საავტომობილო ბაზარი ზედიზედ შვიდი თვის განმავლობაში იზრდება. 2023 წლის თებერვლის ბოლოს ევროკავშირის ქვეყნებში ახალი მსუბუქი ავტომობილების გაყიდვები გასულ წელთან შედარებით 11,5%-ით გაიზარდა და 802 763 ერთეული შეადგინა. ინფორმაციას MMR ავრცელებს.

ამას მოწმობს ევროპის ავტომობილების მწარმოებელთა ასოციაციის (ACEA) მონაცემები.

თებერვალში ზრდა აჩვენა ევროპის ყველა უმსხვილესმა საავტომობილო ბაზარმა: ესპანეთში ის გაიზარდა 19,2%-ით, იტალიაში - 17,4%-ით, საფრანგეთში - 9,4%-ით, ხოლო გერმანიაში - 2,8%-ით.

ახალი მანქანების გაყიდვების ყველაზე დიდი ზრდა დაფიქსირდა:

ესპანეთში (+32,1%);

იტალიაში (+18.2%);

საფრანგეთში გაყიდვები გაიზარდა 9,1%-ით.

გერმანიაში რეგისტრაციების რაოდენობა თითქმის უცვლელი დარჩა (+0,2%).

რაც შეეხება კონკრეტულ ავტომწარმოებლებს, ფოლკსვაგენის ჯგუფის (მათ შორის Skoda, Audi, Seat, Porsche და ა.შ.) გაყიდვები ევროკავშირში თებერვალში გაიზარდა 18,2%-ით, Renault ჯგუფის - 26,3%-ით, Mercedes-Benz-ის - 8,5%-ით, ხოლო Stellantis-ის ალიანსი, რომელიც აერთიანებს Fiat Chrysler-სა და PSA Group-ს, - 1,6%-ით.

ნეგატიური დინამიკა ევროპის ბაზარზე ზამთრის ბოლო თვეში აჩვენეს Mitsubishi-მ (-49,3%), Honda-მ (-36,3%), BMW Group-მა (-2,2%), Ford-მა (-3,4%) და Volvo-მ (- 0,1%).