ევროპის ზოგიერთი უმსხვილესი ბანკი იმარაგებს სარეზერვო გენერატორებს და ზოგავს ელექტროენერგიას, რადგან ისინი ელექტროენერგიის პოტენციური შეწყვეტისთვის ემზადებიან, რაც რეგიონის ეკონომიკას უქმნის საფრთხეს - ამის შესახებ ინფორმაციას reuters ავრცელებს.

მათივე ინფორმაციით, მაშინ როცა რუსეთი კონტინენტზე გაზის მიწოდებას აფერხებს, ბანკები სტრეს-ტესტს ატარებენ იმისთვის, რომ ნახონ თუ როგორ შეძლებენ გაუმკლავდნენ ელექტროენერგიის დეფიციტს და აწყობენ ენერგიის ისეთ ალტერნატიულ წყაროებს, როგორებიცაა გენერატორები, რათა ბანკომატების და ონლაინ ბანკინგის მუშაობა არ  შეფერხდეს. მიუხედავად იმისა, რომ სექტორი covid 19-ის დროს დაწესებული შეზღუდვების პირობებში მუშაობაზე ადაპტირებულია, ელექტროენერგიის  გათიშვა მას უფრო  რთული  გამოწვევის  წინაშე აყენებს.

„ჩვენი მთავარი საზრუნავია ბანკომატების გაუმართაობა და უნაღდო ტრანზაქციების კასკადური ეფექტი საზოგადოებაზე - აღნიშნა ლონდონის საუნივერსიტეტო კოლეჯის საოპერაციო უწყვეტობისა და კატასტროფებისადმი მდგრადობის პროფესორმა, ჯანლუკა პესკაროლიმ. სწორედ მან ურჩია ლონდონის ხელისუფლებას ელექტროენერგიის  გათიშვა.

როგორც  „როიტერს“ ერთ-ერთმა  წყარომ აცნობა, JPMorganმა (JPM.N) რომელიც ევროპულ ჰაბებში ათასობით ადამიანს ასაქმებს ლონდონსა და  ფრანკფურტში ელექტროენერგიის  გათიშვის  სიმულაციები ჩაატარა. მისივე  თქმით, სიმძიმიდან გამომდინარე ბანკს შეუძლია გადაერთოს დიზელის გენერატორზე მხოლოდ რამდენიმე დღით.

გარდა ამისა იტალიის  სიდიდით მეორე ბანკმა UniCredit-მაც გამოცადა თავისი ოპერაციული გამძლეობა. წყაროს  ინფორმაციით, მისი აღდგენის ტესტი  ძირითადად ფოკუსირებული იყო მონაცემთა დამუშავების მდგრადობაზე. წყარომ „როიტერთან“ ასევე  აღნიშნა, რომ ბანკის ორ ძირითად მონაცემთა ცენტრს მომარაგება ორი დამოუკიდებელი ელექტროსადგურიდან ჰქონდა, თუმცა გაურკვეველია რამდენ ხანს  გაგრძელდება  ამ  სადგურების ძალა.

 Euronext-მა, რომელიც მართავს საფრანგეთის და იტალიის საფონდო ბირჟებს, განაცხადა, რომ მან ხელახლა შეაფასა ენერგომოხმარება რუსეთის მიერ უკრაინაში შეჭრის შემდეგ და დასძინა, რომ მას უკვე ჰქონდა სარეზერვო გენერატორები.

ცხელი წყალი

ენერგეტიკული კრიზისის დასაძლევად ბანკები დგამენ ისეთ თვალსაჩინო ნაბიჯებს, როგორიცაა პერსონალის ნაკლებ ფართში კონსოლიდაცია.

Deutsche Bank-მა განაცხადა, რომ ელექტროენერგიის დაზოგვის მიზნით, იგი ახორციელებს ზომებს გერმანიის 1400 შენობაში, რათა ყოველწლიურად 4,9 მილიონი კვტ/სთ ელექტროენერგია დაზოგოს.

ბანკი თიშავს ცხელ წყალს სარეცხ ოთახებში, არეგულირებს სამუშაო ადგილის ტემპერატურას, გამორთავს ყველა ფილიალის შიდა განათებას  ღამით და გათიშავს გარე რეკლამას.

ხოლო ფრანკფურტში მისი სათაო ოფისის წინ მდებარე შადრევანი გამოირთვება.

ამ ყველაფრის მიუხედავად  ექსპერტები მაინც  შიშობენ, რომ რამდენიმე კომპანია ერთ დღეზე ხანგრძლივი გამორთვისთვის მზად არ  არის.

”ეს წარმოადგენს სერიოზულ ხარვეზს გამძლეობის დაგეგმვაში”, - აღნიშნა ელექტრული ინფრასტრუქტურის უსაფრთხოების საბჭოს აღმასრულებელმა დირექტორმა  ავი შნურმა და დასძინა, რომ ბანკებმა უნდა მიიღონ ზომები და შეძლონ ელექტროენერგიის გახანგრძლივებულ გათიშვასაც გაუმკლავდნენ.

BNP Paribas (BNPP.PA), საფრანგეთის უმსხვილესი ბანკი, ცდილობს მოაგვაროს ენერგეტიკული პრობლემა 2,750 ფილიალში, ოფისსა და მონაცემთა ცენტრში, რომლებიც საფრანგეთში, ბელგიასა და იტალიაში მუშაობენ - აღნიშნა ფრანგულ კრედიტორთან დაახლოებულმა წყარომ, მან ასევე  აღნიშნა, რომ ელექტროენერგიის  გათიშვის  შესაძლებლობა მკაცრად მონიტორინგდება.

ევროპული გაზზე ფასი მას შემდეგ გაიზარდა, რაც  რუსულმა გაზპრომმა განაცხადა, რომ ძირითად გაზსადენს განუსაზღვრელი ვადით გააჩერებს.  ევროპა რუსეთს ენერგეტიკის სანქციების წინააღმდეგ იარაღად გამოყენებაში ადანაშაულებს.

ბრიტანეთში ენერგეტიკული ხარჯების ზრდა აფერხებს ბიზნესს და იმ  მომხმარებლებს, რომლებიც გაურკვევლ  ინფლაციას განიცდიან.

მსხვილმა დამზღვევებმა ასევე განაცხადეს, რომ ისინი ამცირებენ ენერგიის მოხმარებას. შვეიცარიის ციურიხმა (ZURN.S) კი განაცხადა, რომ ღამით დააბნელებს ოფისებს და შადრევნების მსგავსად „დეკორატიული ენერგიის მომხმარებლებს“.

„დამატებითი ზომები, რომლებიც შეიძლება განხორციელდეს ენერგეტიკული სიტუაციის გაუარესების შემთხვევაში, გულისხმობს შენობების მხოლოდ გარკვეული სართულების გამოყენებას და ისეთი სერვისების გამორთვას, როგორიცაა თანამშრომლების სპორტული დარბაზი და სხვა“, - თქვა მზღვეველმა.