ბრიტანული საკონსულტაციო კომპანიის Cornwall Insight-ის წამყვანი ანალიტიკოსის მეთიუ ჩადვიკის პროგნოზით გაზის მაღალი ფასები ევროპაში მინიმუმ 2030 წლამდე შენარჩუნდება.
ინფორმაციას ამის შესახებ Bloomberg-ი ავრცელებს.
„გაზის ფასი პანდემიამდელ მაჩვენებელზე მაღლა დარჩება მინიმუმ 2030 წლამდე“, - ნათქვამია სტატიაში.
ანალიტიკოსის აზრით, ბაზარს დრო სჭირდება, რათა მოერგოს ევროპაში მიწოდებისა და მოთხოვნის დინამიკის ცვლილებას.
თხევადი ბუნებრივი აირის (LNG) სავარაუდო მიწოდებაც კი შეერთებული შტატებიდან, კატარიდან და რიგი სხვა სახელმწიფოებიდან არ ექნება მნიშვნელოვან გავლენას სიტუაციაზე, ნათქვამია სტატიაში.
ირკვევა, რომ ევროპას არ აქვს საკმარისი ტერმინალები LNG რეგაზიფიკაციისთვის და კომერციულ ფლოტს არ აქვს გემების საჭირო რაოდენობა ამ ტიპის საწვავის გადასაზიდად.
სტატიაში ასევე აღნიშნულია, რომ მართალია რუსეთის ფედერაციიდან გაზის მიწოდება 2022 წლის ზაფხულში შეჩერდა, თუმცა გარკვეული რაოდენობის აირის მიწოდება მაინც ხდებოდა, მაგრამ 2023 წელს რუსეთ-ევროპას დამაკავშირებელი მილსადენები სავარაუდოდ დაიხურება.
გაზი
