ევროპის მიწისქვეშა გაზსაცავებში (UGS) გაზის რეზერვაციის დონემ 85%-ს გადააჭარბა, ამის შესახებ Gas Infrastructure Europe (GIE) იტყობინება, რომელიც ევროპული გაზის ინფრასტრუქტურის ოპერატორების ინტერესებს წარმოადგენს. ირკვევა, რომ UGS-ის შევსების ტემპები სექტემბრის შუა რიცხვებისთვის შენელდა.

ევროპაში გაზის მარაგი 16 სექტემბრისთვის 85,3%-მდე გაიზარდა, რაც 1,28 პროცენტული პუნქტით აღემატება ხუთწლიანი საშუალო მაჩვენებელს. ახლა მათში ჩატუმბულია დაახლოებით 91,85 მილიარდ კუბ/მ გაზი. ევროკავშირის ქვეყნებმა პირობა დადეს, რომ 2022-2023 წლების ზამთრისთვის UGS ობიექტების შევსება მინიმუმ 80%-ით და ყველა მომდევნო ზამთრის პერიოდისთვის 90%-ით მოხდება. 2021 წელს, საცავის მაქსიმალური შევსება დაფიქსირდა 21 ოქტომბერს - 83 მილიარდ კუმ/მ-ზე ოდნავ მეტით. (77,28%).

როგორც უცხოური მედია წერს, თუ გაზსაცავების შევსების მაჩვენებელი უახლოეს მომავალში არსებულ დონეზე დარჩება, მაშინ რეზერვების მაჩვენებელი 90%-ს ოქტომბრის დასაწყისში მიაღწევს.

შენახვის ყველაზე მაღალი დონე ამჟამად დაფიქსირდა პორტუგალიაში და პოლონეთში (მარაგების დონეები 100% და 98.7% შესაბამისად). ასევე რეზერვების მხრივ ლიდერებს შორის არიან საფრანგეთი (95,07%), დანია (94,24%), შვედეთი (90,81%) და გერმანია (89,33%). UGS-ის ობიექტები ესპანეთში ივსება 87,45%-ით, იტალიაში 87,18%-ით, ნიდერლანდებში 86,01%-ით, ჩეხეთში 83,68%-ით, სლოვაკეთში 83,77%-ით, ბელგიაში 83,5%-ით. ევროპის ქვეყნების ხუთეული ყველაზე დაბალი UGS-ით არის ლატვია (51.59%), ბულგარეთი (69.29%), უნგრეთი (68.98%), ავსტრია (73.22%) და რუმინეთი (80.46%).