2022 წლის მეორე კვარტალში, წინა წლის ანალოგიურ პერიოდთან შედარებით ევროკავშირში ახალი ბიზნესის რეგისტრაცია 1,2% - ით  შემცირდა. - ამის შესახებ ინფორმაციას Eurostat ავრცელებს. მათივე ინფორმაციით, წლის დასაწყისიდან ახალი ბიზნესის რეგისტრაციის მაჩვენებელი იკლებს.

ბიზნესის რეგისტრაციის კუთხით 2022 წლის პირველ კვარტალში, 2021 წლის მეოთხე კვარტალთან შედარებით 2.3% -იანი კლება დაფიქსირდა.

რაც შეეხება გაკოტრებულ ბიზნესებს, 2021 წლის მესამე კვარტალში მათი რაოდენობა მეორე კვარტლის პირველ კვარტალთან შესამჩნევი 11%-იანი ვარდნის შემდეგ კვლავ გაიზარდა.

უახლესი მონაცემები აჩვენებს, რომ 2022 წლის მეორე კვარტალში ბიზნესების გაკოტრების მაჩვენებელი 2022 წლის პირველ კვარტალთან შედარებით 2,2%-ით არის გაზრდილი.

2022 წლის ორ კვარტალში ევროკავშირში ბიზნესის რეგისტრაციის მაჩვენებელი 2019 წლის პანდემიამდელ მაჩვენებელთან შედარებით მაინც მაღალი იყო.

2022 წლის მეორე კვარტალში გაკოტრების მაჩვენებელი კი ყველაზე მეტად სატრანსპორტო საქმიანობაში  იზრდება.

კონკრეტულად გაკოტრების აქტივობების მიხედვით, 2022 წლის მეორე კვარტალში გაკოტრების კლება მხოლოდ სამშენებლო, საინფორმაციო და საკომუნიკაციო სექტორში დაფიქსირდა და  წინა კვარტალთან შედარებით კლებამ -12% და -4% აჩვენა. რაც შეეხება ტრანსპორტის და საწყობის მიმართულებას, აქ გაკოტრების მაჩვენებელი 16%-ით გაიზარდა, ხოლო განათლების, ჯანდაცვისა  და სოციალური აქტივობების  სფეროს  12%-იანი ზრდაა.  ეს უკანასკნელი იყო ის საქმიანობა, სადაც გაკოტრების რიცხვი 2022 წლის მეორე კვარტალში გასულ კვარტალთან შედარებით ყველაზე მეტად გაიზარდა.

პანდემიამდელ პერიოდთან შედარებით, 2022 წლის მეორე კვარტალში გაკოტრების რაოდენობა უფრო დაბალი იყო ეკონომიკის უმეტეს სექტორში ორი ძირითადი გამონაკლისით: ტრანსპორტირება და შენახვა, საცხოვრებელი და კვების მომსახურება. 

გაკოტრებული ბიზნესების რაოდენობის  ყველაზე დიდი ვარდნა პანდემიამდელ პერიოდთან შედარებით  2022 წლის მეორე კვარტალში დაფიქსირდა მშენებლობის, საინფორმაციო და კომუნიკაციების და  ვაჭრობის სფეროში.