სასუქების გლობალური დეფიციტი შენარჩუნდება 2023 წლამდე, რაც საფრთხეს უქმნის სოფლის მეურნეობის წარმოებას და სურსათის უსაფრთხოებას, განსაკუთრებით აფრიკაში, სადაც ფერმერები დიდად არიან დამოკიდებული იმპორტირებულ სასოფლო-სამეურნეო პროდუქტებზე.

ამის შესახებ ნათქვამია გაეროს სურსათისა და სოფლის მეურნეობის ორგანიზაციისა (FAO) და მსოფლიო სავაჭრო ორგანიზაციის (WTO) ერთობლივ კვლევაში —  „გლობალური სასუქების ბაზრები და პოლიტიკა“.

აღნიშნულია, რომ ფაქტორებმა, როგორიცაა ომი უკრაინაში, მაღალი ინფლაცია, მიწოდების ჯაჭვების შეფერხება და გლობალური ეკონომიკური ვარდნა, გამოიწვია სასუქებისა და სოფლის მეურნეობის პროდუქტების ფასების სწრაფი ზრდა, რაც იწვევს მათ შეზღუდული ხელმისაწვდომობას ბევრ ქვეყანაში.

„რეკომენდებულია G20-ის მთავრობებმა ღია დატოვონ საკვების და სასუქების ბაზრები და მინიმუმამდე დაიყვანონ სასუქებით ვაჭრობის შეფერხებები, მათ შორის, თავი შეიკავონ ექსპორტის შეზღუდვებისგან, რომლებიც არ შეესაბამება ვმო-ს წესებს“, - ნათქვამია კვლევაში.

ასევე, ხაზგასმულია სასუქების ხელმისაწვდომობის უზრუნველყოფის აუცილებლობა ყველაზე დაუცველი ქვეყნებისთვის, მათ შორის გაზრდილი საერთაშორისო ფინანსური მხარდაჭერისა და რისკის მართვის ინსტრუმენტების გამოყენებით.

აღნიშნული კვლევა აანალიზებს სასუქების ბაზრის მდგომარეობას, რომელიც ხასიათდება არასტაბილურად და ასევე მის გავლენას სოფლის მეურნეობის წარმოებაზე. იგი ასევე აყალიბებს რეკომენდაციებს G20-ის მთავრობებისთვის, რომლებიც ხაზს უსვამს სასუქების ბაზრის შენარჩუნების მნიშვნელობას გლობალური მოთხოვნის დასაკმაყოფილებლად და სასურსათო კრიზისის თავიდან ასაცილებლად.