იტალიურ კომპანია Ferrari-ის მომავალ წელს დაარსებიდან 75 წლის იუბილე აქვს, რის აღსანიშნავადაც ბრენდმა სპეციალური ლოგო შექმნა. ინფორმაცია ავტომობილების მწარმოებლის ვებგვერდზე ვრცელდება.

ახალი ლოგო მარანელოში მდებარე კომპანიის ქარხანაში შეიქმნა და ათასობით დეტალის მოზაიკას წარმოადგენს, რაც ქარხნის თანამშრომლებმა ააწყვეს. ლოგოზე გამოსახულია კომპანიის ცნობილი შავი ცხენი ვერცხლისფერ ფონზე.

„ათასობით დეტალისგან შექმნილი სკულპტურა, რომელიც ჩვენმა მუშაკებმა ააწყვეს, Ferrari-ის სულის სიმბოლოა. სიმბოლო, რომელიც აერთიანებს როგორც აქაურ, მარანელოს თანამშრომლებს, ისე ჩვენს დიდ ოჯახს მთელს მსოფლიოში. ის ჩვენი ისტორიის 75 წელსა და ჩვენს მომავალს ასახავს. ეს არის იმ კომპანიის სიმბოლო, რომელიც, როგორც ენცო ფერარი ამბობდა, ძირითადად, ხალხისგან შედგება,“ - განაცხადა ვიდეო პრეზენტაციაზე აღმასრულებელმა დირექტორმა, ჯონ ელკანმა.

ენცო ფერარიმ თავისი კომპანია მარანელოში, 1947 წელს დააარსა და თითქმის, მაშინვე გრან პრიზე რბოლა დაიწყო. 1950 წელს, სილვერსტოუნში Ferrari ფორმულა 1-ის მსოფლიო ჩემპიონატის პირველ რბოლაზე Alfa Romeo-ს, Maserati-სა და სხვებს გაუთანაბრდა.

დღეს ბრენდი ავტომობილების ერთადერთი მწარმოებელია, რომელიც ჩემპიონატის დაწყებიდან ყოველწლიურად ფორმულა 1-ში ასპარეზობს.

BPN.GE