ფიჯის უზენასემა სასამართლომ დღევანადელი გადაწყვეტილებით შეერთებული შტატები დაავალდებულა, რუსეთის საკუთრებაში არსებული სუპერიახტა, Amadea წყნარი ოკეანის კუნძულოვანი სახელმწიფოდან გაიყვანოს, რადგნა მის კონფისკაციაზე მიმდინარე სამართლებრივი დავის პერიოდში ფიჯის მთავრობას გემის შენახვა ძვირი უჯდება. ინფორმაციას Reuters ავრცელებს.

106-მეტრიანი (350 ფუტის) იახტა, Amadea თვრამეტდღიანი მოგზაურობის შემდეგ ფიჯიში მექსიკიდან 13 აპრილს შევიდა. ის ფიჯის ხელისუფლებამ მას შემდეგ დააპატიმრა, რაც ქვეყნის უმაღლესმა სასამართლომ გასულ თვეში აშშ-ის ორდერი მიიღო. ამ ორდერის თანახმად, იახტა სანქცირებულ რუს ოლიგარქს, სულეიმან კერიმოვს ეკუთვნის.

FBI-მ განაცხადა, რომ 300 მლნ დოლარის ღირებულების ძვირად ღირებული იახტის საექსპლუატაციო ხარჯი წელიწადში 25-დან 30 მლნ დოლარს შეადგენს და შეერთებული შტატები მზად არის, კონფისკაციის შემდეგ გემი შეინახოს. შეერთებული შტატები ამტკიცებს, რომ კერიმოვი Amadea-ს ბენეფიციურად ფლობს, თუმცა გემის ადვოკატებმა ეს უარყვეს და სასამართლოს განუცხადეს, რომ ის სხვა რუს ოლიგარქს, ედუარდ ხუდაინატოვს ეკუთვნის, რომელიც რუსული ენერგოგიგანტის, „როსნეფტის“ ყოფილი ხელმძღვანელია. მას სანქციები არ შეხებია. აღსანიშნავია, რომ ედუარდ ხუდაინატოვის სახელს გასულ თვეში, იტალიაში პოლიციის მიერ დაკავებული კიდევ ერთი ძვირადღირებული იახტა უკავშირდება, რომლის ღირებულება, დაახლოებით, 700 მლნ დოლარია.

იმ პერიოდში, როცა გემის რეგისტრირებული მფლობელის, Millemarin Investments-ის სააპელაციო სარჩელი ფიჯის სასამართლოებში იხილებოდა, გემის ხარჯებს ადგილობრივი მთავრობა იხდიდა.

უზენაესი სასამართლოს დადგენილებაში წერია, რომ „საზოგადოებრივი ინტერესი მოითხოვს, იახტამ ფიჯის წყლები დატოვოს, რადგან ნავსადგომზე მისი ყოფნა ფიჯის მთავრობას ძვირი უჯდება.“ სასამართლო გადაწყვეტილებაში, ასევე, წერია, რომ „გემი ფიჯის წყლებში ყოველგვარი ნებართვის გარეშე, სავარაუდოდ, შეერთებული შტატების დევნის თავიდან ასაცილებლად შეცურდა.“

ფიჯის გენერალური პროკურორი, კრისტოფერ პრაიდი აცხადებს, რომ „სასამრთლო გადაწყვეტილება ადასტურებს ფიჯის ვალდებულებას, პატივი სცეს ურთიერთდახმარებაზე საერთაშორისო მოთხოვნებსა და ქვეყნის სართაშორისო ვალდებულებებს.“ მისი თქმით, სასამართლო მიიჩნევს, რომ „ფულის გათეთრებისა და საკუთრების საკითხები მათ წარმომქმნელ აშშ-ის სასამართლოში უნდა გადაწყდეს.“

„Amadea აშშ-ის ხელისუფლებას გადაეცა და ის ფიჯის მალე დატოვებს,“ - აცხადებს კრისტოფერ პრაიდი.

რუსი ოლიგარქებისთვის იახტებისა და სხვა ძვირად ღირებული აქტივების ჩამორთმევაზე აშშ-ის იუსტიციის დეპარტამენტის სამუშაო ჯგუფი, KleptoCapture არის ორიენტირებული.

bpn.ge