2022 წლის კატარში გამართული მსოფლიო ჩემპიონატზე FIFA ხელოვნური ინტელექტის მხარდაჭერის სისტემას გამოიყენებს, რათა მსაჯებს თამაშგარე პოზიციების უფრო ზუსტად განსაზღვრაში დაეხმარონ.
ნახევრად ავტომატური სისტემა მოიცავს ბურთში სენსორს, რომელიც მოედნიდან გადასცემს მის პოზიციას წამში 500-ჯერ სიხშირით და ასევე სტადიონის სახურავის ქვეშ დამონტაჟებულ უსაფრთხოების 12 კამერას.
აღნიშნული პროგრამული უზრუნველყოფა არსებულ მონაცემებზე დაყრდნობით მსაჯებს საშუალებას მისცემს უკეთ დააფიქსიროთ თამაშგარე პოზიცია. თუ დარღვევა გამოვლინდა, სისტემა FIFA-ს წარმომადგენლებს შეტყობინებას გაუგზავნის, რომლებიც შემდგომ ინფორმაციას მსაჯს გააცნობენ.
FIFA ამტკიცებს, რომ მთელი ეს პროცესი „რამდენიმე წამს" მოიცავს, რაც იმას ნიშნავს, რომ“ თამაშგარე გადაწყვეტილებების მიღება შესაძლებელია უფრო სწრაფად და ზუსტად". კამერებისა და ბურთის მიერ გენერირებული მონაცემები ასევე გამოყენებული იქნება ავტომატური ანიმაციების შესაქმნელად, რომელიც სტადიონების ეკრანებზე და სატელევიზიო გადაცემებში თამაშგარე გამოწვევის შესახებ მაყურებლის ინფორმირებას მოახდენს.
FIFA-ს მსაჯთა კომიტეტის თავმჯდომარემ პიერლუიჯი კოლინამ თქვა, რომ ახალი სისტემა საშუალებას მისცემს „უფრო სწრაფი და ზუსტი გადაწყვეტილებების მიღებას“. მანვე ხაზგასმით აღნიშნა, რომ თამაშის კონტროლი ჯერ კიდევ ადამიანების პასუხისმგებლობაა და არა „რობოტების“.
შეგახსენებთ, რომ 2018 წელს FIFA-მ შემოიტანა მსაჯების დახმარების სისტემა (VAR), რომელიც მსაჯებს საშუალებას აძლევს მიიღონ გადაწყვეტილებები ვიდეო გამეორების გამოყენებით.