მსოფლიოში მძღოლებს ყველაზე მაღალი ჯარიმები ფინეთში აქვთ. საგზაო მოძრაობის წესის დარღვევისთვის ფინელი ბიზნესმენი იუსი სალონოია 200 000 დოლარით დაჯარიმდა. თუმცა, მინიმალური ჯარიმა ფინეთში 1600 დოლარიდან იწყება, რაც საკმაოდ მაღალია, წერს Finance.ua.
ფინეთს მოსდევს კანადა, სადაც 200 კმ/სთ სიჩქარის გადაჭარბებაზე ჯარიმა 25 000 დოლარია;
იაპონიაში ნასვამ მდგომარეობაში მართვისას 8700 დოლარია ჯარიმა, ხოლო წითელ შუქნიშანზე გავლისას - 420 დოლარი;
დიდ ბრიტანეთში სიჩქარის გადაჭარბებისთვის ჯარიმა 100 დოლარია, მაგრამ 2017 წელს ბრიტანელი მძღოლი იძულებული გახდა 8000 დოლარი გადაეხადა 275 კმ/სთ სიჩქარით გადაადგილებისას;
იტალიაში ნასვამ მდგომარეობაში მართვისას მძღოლი სოლიდურ ჯარიმას - 6400 დოლარს იხდის და ორი წლით მართვის უფლებს ეკრძალება;
აშშ-ში ჯარიმები განსხვავდება შტატების მიხედვით. ვირჯინიაში სიჩქარის გადაჭარბებისას მძღოლი შეიძლება 2600 დოლარამდე დაჯარიმდეს;
პორტუგალიაში სიჩქარის გადაჭარბებაზე 1900 დოლარია ჯარიმა, ხოლო გერმანიაში - 630 დოლარი;
ჩინეთში სიჩქარის გადაჭარბება 300 დოლარით ჯარიმდება, ნასვამ მდგომარეობაში მართვა - 310 დოლარით, 15-დღიანი პატიმრობითა და მართვის უფლების ექვსთვიანი შეჩერება.
რაც შეეხება საქართველოს, სატრანსპორტო საშუალების მძღოლი მოძრაობის დადგენილი სიჩქარის გადაჭარბებისას (40 კმ/სთ) 300 ლარით ჯარიმდება. თუ სიჩქარის გადაჭარბებას საავარიო ვითარების შექმნა მოჰყვა, ჯარიმა 400 ლარია, ხოლო თუ სიჩქარის გადაჭარბებას თან სდევს დაზიანება, ჯარიმა - 600 ლარია.