როგორ ხარჯავს სახელმწიფო ხალხის ფულს და იფლანგება თუ არა საბიუჯეტო რესურსები. ამ თემას არასამთავრობო ორგანიზაცია „ფლანგვის დეტექტორი“ იკვლევს. „კომერსანტმა“ შეკრიბა „ფლანგვის დეტექტორის“ მიერ გამოქვეყნებული 10 ყველაზე დიდი სავარაუდო კორუფციული ფლანგვის ფაქტი:
1. 2018-2021 წლებში 23 მილიონი ლარი ჯარიმების სახით გადავიხადეთ, რადგან მთავრობა საგარეო ვალს ვერ ხარჯავს. ჩვენი საგარეო ვალი დაახლოებით 30 მილიარდია.
2. ივნისის თვეში პრემიერი ღარიბაშვილის გვერდის მოწონების Fb-პოსტის რეკლამა დაახლოებით 17,887 დაჯდა. 2020-2022 წლებში პრემიერმინისტრის facebook გვერდის დასპონსორებაში ჯამში 135,655 დოლარი დაიხარჯა, საიდანაც $66,069 საქართველოს მთავრობამ, ხოლო 20,258 დოლარი - თავდაცვის სამინისტროს სტრატკომმა გადაიხადა.
3. 2019-2022 წელს საჯარო სამსახური პირადი განცხადების საფუძველზე 4,039 პირმა დატოვა. 2019-2021 წლებში მათი კომპენსაცია სახელმწიფო ბიუჯეტს 2 მილიონ ლარამდე დაუჯდა. აქედან 420,078 ლარი უკანონოდ გათავისუფლებულ მოხელეთა კომპენსაციებზე დაიხარჯა. თანამშრომელთა უკანონო გათავისუფლება ყველაზე ხშირად თეა წულუკიანს ახასიათებს.
4. მერიამ, 6 თვის განმავლობაში, ნაცვლად გამიზნული 781,691,359 ლარისა, 633,558,914 ლარის დახარჯვა მოახერხა. ბიუჯეტის პრეზენტაციაზე კახა კალაძემ საგზაო და სატრანსპორტო ინფრასტრუქტურის განვითარება პრიორიტეტად დაასახელა. თუმცა, სატრანსპორტო ინფრასტრუქტურის მშენებლობა-აღდგენის ქვეპროგრამის ფარგლებში მერიას 21,775,850 ლარი დარჩა აუთვისებელი. ხოლო ტრანსპორტის განვითარების ქვეპროგრამაში 18,442,414 ვერ აითვისეს
5. 2022 წლის 6 თვეში უზენაეს სასამართლოს დაუხარჯავი დარჩა 919,200 ლარი, იუსტიციის უმაღლეს საბჭოს - 1,515,400 ლარი, ხოლო საერთო სასამართლოებს - 9,415,000 ლარი. ეს ორგანოები ვერც გასულ წლებში ითვისებდნენ თანხებს. მხოლოდ საერთო სასამართლოებმა 2016-2022 (6 თვე) მათთვის გამოყოფილი 453,032,000 ლარიდან 27,082,900 ლარი ვერ აითვისა;
6. ეკოლოგიური მდგომარეობის შენარჩუნებისა და გაუმჯობესებისთვის გამოყოფილი 106 მილიონი ლარიდან თბილისის მერიამ მხოლოდ 78 მილიონის ათვისება შეძლო. მერიას აუთვისებელი დარჩა გამწვანებისა და დასუფთავებისთვის გამოყოფილი თანხის დიდი ნაწილიც
7. 2022 წლის 6 თვეში პარლამენტმა რესტორნებში 207 ათასზე მეტი ლარი დახარჯა. 2022 წლის იანვრიდან ივლისამდე პარლამენტმა 21 ხელშეკრულება გააფორმა სარესტორნო მომსახურების მიღების მიზნით. პარლამენტის ფავორიტ საკვებ დაწესებულებებს შორის პირველ ადგილს „ჯი ემ თი მთაწმინდა“ იკავებს 80,000 ლარით. მეორე ადგილზეა „მონოგრაფი“, რომელთანაც პარლამენტმა 29,500 ლარის ღირებულების ხელშეკრულება გააფორმა.
8. წყალტუბოს გაანხლების დაპირების პრეზენტაცია ბიუჯეტს 179 ათასი ლარი დაუჯდა. სტუმრების მხოლოდ კვება ბიუჯეტს 25,000 დაუჯდა, პროექტის ვიდეო რგოლის დამზადებაც 25,000 .
9. „ბლექ სი არენამ“ 2021 წელიც 5,019,000 მილიონის ზარალით დაასრულა და 2017 წლიდან აკუმულირებულმა ზარალმა ჯამში 23 მილიონს გადააჭარბა. 2022 წლის საოპერაციო ხარჯების დასაფარად „ბლექ სი არენამ“ სახელმწიფოსგან 3 მილიონი მიიღო, ხოლო 2017 წლიდან მიღებულმა სუბსიდიამ 41,451,000 შეადგინა.
„ბლექ სი არენა, 2022 წლის სეზონისთვის, 48,500 ლარს იხდის ამინდის დაზღვევაში, რომელიც ითვალისწინებს მხოლოდ ამინდის გამო კონცერტის ჩაუტარებლობას. 2020 წელს, „ბლექ სი არენამ“ შპს „ელიტა ბურჯს“ სცენის შეკეთებისთვის 70, 000 გადაუხადა, მაშინ როდესაც ამავე პერიოდში არცერთი ღონისძიება არ გამართულა.
10. ბოლო ზარის კონცერტისთვის ლაგოდეხის მერიამ ტენდერის გვერდის ავლით, გამარტივებული შესყიდვა ექსკლუზიურად ტელეკომპანია იმედის ღამის შოუს ბენდთან გააფორმა და 14 000 ლარი უტენდეროდ გადაუხადა.
ფლანგვის დეტექტორი
