ჟურნალმა Forbes-მა, 2022 წელს ყველაზე მეტად გაღარიბებული რუსი მილიარდერების ათეული შეადგინა, რომლის სათავეშიც „სევერსტალის“ მთავარი აქციონერი ალექსეი მორდაშოვი და მისი ოჯახია, მათი ქონება გასული წლის განმავლობაში $11,1 მილიარდით, $18,4 მილიარდამდე შემცირდა.
მეორე ადგილზეა Wildberries Marketplace-ის დამფუძნებელი ტატიანა ბაკალჩუკი, რომლის ქონება ერთი წლის განმავლობაში $8,3 მილიარდით $4,7 მილიარდამდე შემცირდა.
სამეულშია ოლეგ ტინკოვიც. მეწარმის ქონება, რომელმაც აპრილში TCS Group-ის წილი ვლადიმერ პოტანინს მიჰყიდა, $5,9 მილიარდით $0,87 მილიარდამდე შემცირდა.
რუსეთში ყველაზე გაღარიბებულ ბიზნესმენთა ათეულში ასევე არიას რომან აბრამოვიჩი, მისი ქონება $5,6 მილიარდით $8,7 მილიარდამდე შემცირდა. გაღარიბებული მილიარდერების სიაშია „ლუკოილის“ ხელმძღვანელი და მთავარი მფლობელი ვაგიტ ალეკპეროვი ($5,1 მილიარდით ნაკლები, $21 მილიარდის ქონება), ლეონიდ ფედუნი და მისი ოჯახი (-$4,2 მილიარდით ნაკლები, $7,5 მილიარდის ქონება), Renova ჯგუფის დამფუძნებელი ვიქტორ ვექსელბერგი (-$4,1 მილიარდით ნაკლები, $5,2 მილიარდის ქონება), Novatek-ის აქციონერი გენადი ტიმჩენკო (-$3,97 მილიარდით ნაკლები, $20,8 მილიარდის ქონება), „ნოვატეკის“ საბჭოს თავმჯდომარე ლეონიდ მიხელსონი (-$3,3 მილიარდით ნაკლები, $24,4 მილიარდის ქონება), რუსული სპილენძის კომპანიის დირექტორთა საბჭოს თავმჯდომარე იგორ ალტუშკინი (-$2, 8 მილიარდით ნაკლები, $3,4 მილიარდის ქონება).