1 აპრილს მილიონობით ამერიკის მაცხოვრებლისთვის იჯარის გადახდის ბოლო ვადა ყველაზე დამამძიმებელი აღმოჩნდა. უძრავი ქონების ყოველი მეოთხე მოქირავნე ახლა შემოსავლის მეოთხედზე მეტს საცხოვრებელზე იხდის. საცხოვრებლის ქირა კი მხოლოდ პირველია იმ გადასახადების რიგში, რისი მოგვარებაც აპრილში ხალხს მოუწევს - კომუნალური გადასახადები, საკრედიტო ბარათები, დაზღვევა, იპოთეკა, სტუდენტური გადასახადი - ბევრი რამ რასაც არაერთი ამერიკელი უბრალოდ ვერ გასწვდება. კარგი ამბავი ისაა, რომ აპრილიდან სექტემბრის ჩათვლით სტუდენტური კრედიტის გადახდა სავალდებულო არ არის.
ფედერალური რეზერვის მონაცემებით, ყოველი ათი ამერიკელიდან მხოლოდ ოთხს შეუძლია გაუთვალისწინებელი ხარჯებისთვის 400 დოლარის ოდენობის თანხის გადადება თანხის სესხების ან სანკრედიტო ლიმიტის გაზრდის გარეშე.
გასულ პარასკევს აშშ-ს პრეზიდენტმა მიიღო კანონპროექტი, რომლის მიხედვითაც ეკონომიკის სტიმულირება 2 ტრილიონი აშშ დოლარით მოხდება. რაც მოიცავს ისეთ მასშტაბურ ღონისძებებს, როგორიცაა ყოველ ზრდასრულ მოქალაქეზე 1200 დოლარის ოდენობის ჩეკის გაცემა, 350 მილიარდი დოლარი მცირე ბიზნესის სესხების დასაფარად.
„მათთვის, კი ვისაც სტაბილური შემოსავალი არ აქვს და აპრილის დასაწყისში გადაუხდელი გადასახადების გრძელი სია მთავარი საფიქრალია, აუცილებელია ზუსტად განისაზღვროს გადასახადები და ზუსტი თანხები ხელუხლებლად შეინახონ“ - ამბობს კერძო ფინანსების ექსპერტი შტეფან ო კონელი.
„თუ არსებული დანაზოგით ამ ყველაფრის დაფარვა შეიძლება, გამოიყენეთ დანაზოგი. თუ საკმარისი არ არის, მეორე ნაბიჯია დაუკავშირდეთ ყველა კომპანიასა თუ პირს და გაარკვიოთ სად არის თქვენთვის ყველაზე მოქნილი პირობები. მაგალითად, ბევრმა შტატმა დროებით შეაჩერა გამოსახლების პროცესი, ბევრი საფინანსო ორგანიზაცია აჩერებს სესხის გადახდის მოთხოვნას.
საკრედიტო კომპანიები და სესხის გამცემები ხშირად მიესალმებიან გადახდის გეგმის გადახედვას მომხმარებლებისთვის, თუ რა თქმა უნდა კარგი საკრედიტო ისტორია აქვს კლიენტს. მაგრამ არასდროს იფიქროთ, რომ ეს პროგრამები თქვენთვის თავისთავად კეთდება, ყოველი შემთხვევისთვის გადაამოწმეთ, დარეკეთ“ - ამბობს ო კონელი.
თუ გადაუხდელი ვალები მაინც პრობლემაა, საჭიროა კომპრომისებზე წასვლა - ტელეფონის გადასახადის საკრედიტო ბარათით გადახდა ან ელექტროენერგიის დაგვიანების საკომისიოს არ გადახდა. „თუ რამე დანაზოგი გაქვთ, რამდენ ხანს შეძლებთ მის იმედად ყოფნას, თქვენი ყოევლდღიური საცხოვრებელი ხარჯების გათვალისწინებით? ეს კარგია თუ სამსახური გაქვთ, მაგრამ დღესდღეობით თქვენი სამასახური ორი კვირის ან ერთი დღის გარანტიასაც არ იძლევა“ - ამბობს ექსპერტი.
Forbes.ru
მოამზდა მარიამ მორგოშიამ