ჩაკ ფინი მაღაზიების ქსელის Duty Free-ს წყალობით მილიარდერი გახდა, თუმცა, ამან მისი მოკრძალებული, და ასკეტური ცხოვრების წესი ვერ შეცვალა.

მან სპეციალური ფონდი Giving While Living შექმნა, რომლის მიზანიც იყო აქტიური საქველმოქმედო საქმიანობის წარმოება სიცოცხლეში, და არა ფულის გადაცემა ფონდებისთვის გარდაცვალების შემდეგ,
ბოლო 40 წლის მანძილზე ფინიმ ქველმოქმედებაზე 8 მლრდ. დოლარი გაიღო.

2012 წელს ერთ-ერთ ინტერვიუში მან განაცხადა, რომ 2 მლნ. დოლარი გადადო იმისთვის, რომ მას და მის მეუღლეს პენსიაზე მშვიდად ცხოვრება შეეძლოთ.

საგულისხმოა, რომ ყველა შემოწირულობებს ის ახორციელებდა ანონიმურად, მაშინ, როდესაც სხვა მდიდარი ადამიანები პიარის ასაგორებლად მათ საქველმოქმედო საქმიანობას მას-მედიით დიდი სიამოვნებით აშუქებენ.

ამიტომაც, პრესამ მას „ქველმოქმედების ჯეიმს ბონდი“ შეარქვა.

ბიზნესმენი, რომელმაც მილიარდები ფუფუნების საგნების გაყიდვით იშოვა, ამჟამად მოკრძალებულ ბინაში სან-ფრანცისკოში ცხოვრობს. მისი ბინა ოთახს სტუდენტურ საერთო საცხოვრებელში უფრო წააგავს, ვიდრე მილიარდერის ვილას.

მის საძინებელში ხის უბრალო მაგიდა დგას, მაგიდაზე კი წარწერაა - „ვულოცავთ ჩაკ ფინის 8 მლრდ. დოლარის ქველმოქმედებაზე დახარჯვას“.

ამაშია მთელი ჩაკი ფინი - ის ცდილობდა ანონიმურობის შენარჩუნებას, თუმცა სხვა ფილანტროპებისთვის სამაგალითო გახდა. მისი ხელგაშლილობით აღფრთოვანებულმა ბილ გეითსმა დააარსა ინიციატივა The Giving Pledge, რომელიც სიცოცხლეში ქველმოქმედებაზე მთელი ქონების 50% მოხმარებას გულისხმობს.

ფინი უზარმაზარ თანხებს ისეთ პრობლემებზე ხარჯავდა, როგორც ჩრდილოეთ ირლანდიის კონფლიქტის მშვიდობიანი მოგვარება, ვიეტნამის ჯანდაცვის სისტემის მოდერნიზება, ნიუ-იორკში ახალი ტექნოლოგიური ცენტრის შექმნა, და ა.შ.

ფინი ქველმოქმედებას აუცილებლობად სწორედ სიცოცხლეშივე მიიჩნევდა და ამასთან დაკავშირებით ერთხელ განაცხადა:

„ვერ ვხედავ მიზეზებს, რომელთა გამო შესაძლებელია საქველმოქმედი საქმიანობის გადადება მაშინ, როდესაც შეიძლება დიდი შედეგების მიღება ღირებული ინიციატივების მხარდაჭერით. გარდა ამისა, გაცილებით უფრო სახალისოა ფულის ხარჯვა კეთილ საქმეზე დღესვე, და არა სიკვდილის შემდეგ“ - განაცხადა მან.

2020 წლია 14 სექტემბერს ფინიმ თავისი მთავარი, 40 წლიანი ოცნება შეასრულა - იშოვა მილიარდები და დახარჯა მთელი თავისი ქონება ქველმოქმედებაზე.

მას უკვე არაფერი დარჩა - პირადი მოხმარებისთვის გადადებული 2 მლნ. დოლარის გარდა. 14 სექტემბერს ჩაკ ფინიმ ოფიციალურად დახურა თავისი საქველმოქმედო ფონდი Atlantic Philanthropies.

ეს იყო მისი გეგმის ნაწილი - მთელი მისი ქონება ქველმოქმედებაზე ოფიციალურად დაიხარჯა.

მისი ბოლო შემოწირულობა იყო 350 მლნ. დოლარი, რომელიც ნიუ-იორკში სასწავლი და მეცნიერულ-ტექნიკური ცენტრის შექმნას მოხმარდა.

ფინი მოკრძალებული ცხოვრების წესით გამოირჩეოდა, თუმცა, ის ყოველთვის მზად იყო დიდი თანხის გაღებაზე, თუ გრძნობდა, რომ პროექტის პოტენციური სარგებელი რისკებზე მაღალია.

forbes