მილიარდერთა მსოფლიო რეიტინგში 5 ყაზახია, მათ შორის 2 ექს-პრეზიდენტ ნურსულთან ნაზარაბაევის ოჯახი წევრია, ერთი კი მისი ადმინისტრაციის ყოფილი მაღალჩინოსანი.

1. ვლადიმერ კიმი - სპილენძის მომპოვებელი კომპანიის KAZ Minerals-ის პრეზიდენტი, მისი ქონება შეადგენს $4,1 მლრდ-ს. გლობალურ რეიტინგში 671-ე ადგილზეა.

კიმი კორეელი მიგრანტების ოჯახიდანაა. მან მიიღო განათლება მშენებლობის და ბიზნესის მართვის დარგში, 1995 წლიდან მუშაობდა სამთო-მომპოვებელ კომპანია „კაზახმის“-ში, რომელიც პირველი ყაზახური კომპანია იყო ლონდონის ბირჟაზე.

2014 წელს უკვე გენერალური დირექტორის რანგში კიმმა რეორგანიზაცია განახორციელა, რის შედეგადაც „კაზახმისი“ გადაკეთდა KAZ Minerals-ად და ბირჟაც დატოვა.

ყველაზე მდიდარი ყაზახი 61 წლისაა.

2. ბულატ უტემურატოვი - ფლობს აქტივებს ისეთ დარგებში, როგორც სოფლის მეურნეობა, სამთო-მომპოვებელი მრეწველობა, ბანკები და სასტუმროებია. ქონება - $3,6 მლრდ, 886-ე ადგილი გლობალურ რეიტინგში.

უტემურატოვი წლების წინ პრეზიდენტ ნაზარბაევის ადმინისტრაციის უფროსი იყო. მის ბიზნეს-აქტივებს შორისაა კერძო ბანკი ForteBank, სასტუმროები Ritz Carlton ნურ-სულთანში (ყოფილი ასტანა), მოსკოვში და ვენაში. ფლობს Burger King-ის ფრანშიზას ყაზახეთში, წილებს ოქროს მომპოვებელ კომპანია RG Gold-ში.

მას ასევე ეკუთვნის Beeline-ის ფილიალები ყაზახეთში და ყირგიზეთში.

3. ვიაჩესლავ კიმი - ფინტექ და საგადახდო კომპანია Kaspi.kz-ს თანამფლობელი, მისი ქონება $3,6 მლრდ-ს შეადგენს, მილიარდერთა რეიტინგში 896-ე ადგილზეა.

მილიარდერთა სიაში 2021 წელს მოხვდა - მას შემდეგ, რაც მისმა კომპანიამ აქციები ლონდონის ბირჟაზე განათავსა. კომპანიის კაპიტალიზაცია $6,5 მლრდ-ია, ის ყაზახეთში ყველაზე ძვირადღირებული კერძო კომპანიაა.

ქვეყანაში დატრიალებული მოვლენების ფონზე Kaspi.kz-ს აქციები 30%-ით გაიაფდა.

4.დინარა კულიბაევა - ქვეყნის ექს-პრეზიდენტის ქალიშვილი, ერთადერთი ყაზახი მილიარდერი ქალი, მეუღლესთან ერთად აკონტროლებს ქვეყნის უმსხვილეს ფინანსურ ინსტიტუტს „ჰალიკ ბანკს“, რომელიც ასევე ვაჭრობს აქციებით ლონდონის ბირჟაზე.

მისი ქონება შეადგენს $2,9 მლრდ-ს, რეიტინგში ის 1108-ე ადგილზეა. არეულობის პირველ დღეებში ბანკის კაპიტალიზაცია 20%-ით შემცირდა.

 5. ტიმურ კულიბაევი - ნაზარბაევის სიძე, მისი ქალიშვილის დინარას მეუღლე. ის ძირითადად ფლობს აქტივებს ფინანსურ სექტორში, მისი კაპიტალი $2,9 მლრდ-ს შეადგენს. გლობალური რეიტინგში კულიბაევი 1108-ე ადგილს მეუღლესთან ერთად ინაწილებს.

2005-2013 წლებში იყო ნაზარბაევის უშტატო მრჩეველი, 2008-2011 წლებში ყაზახეთის ეროვნული კეთილდღეობის ფონდის დირექტორი. 2011 წლიდან კულიბაევი „გაზპრომის“ დირექტორთა საბჭოს წევრია.

forbes