გერმანიის მთავრობის განცხადების შემდეგ, რომ რუსი ოპოზიციონერი ალექსეი ნავალნი ნივთიერება „ნოვიჩოკით“ მოწამლეს, რუსული რუბლი და ბაზრის ძირითადი ინდექსები ფაქტობრივად ჩამოიშალა.
ნავალნის ირგვლივ გაურკვევლობა რუსული ვალუტის მდგომარეობაზე აისახება, რომელიც შესაძლოა 2-3 თვე გაგრძელდეს, თუმცა ამავე დროს ინვესტორების გაქცევა რუსული ბაზრიდან ნაკლებად სავარაუდოა.
გერმანიის კანცლერმა ოფიციალურად განაცხადა, რომ სამედიცინო ექსპერტიზის დასკვნის თანახმად ოპოზიციონერი ეჭვგარეშეა, რომ სამხედრო ნივთიერებით მოწამლეს. ეს ინფორმაცია 5-ის ნახევარზე გამოქვეყნდა, რუბლი კი რამდენიმე წამში 74,4-დან 74,6-მდე გაიაფდა. შემდეგ ვალუტა ოდნავ გამყარდა თუმცა, მოგვიანებით ვარდნა განაგრძო და დღის ბოლოს 75,6-მდე დაეცა.
პარალელურად, ევროც 87,6-დან 89,4-მდე გამყარდა, ხოლო მოსკოვის ბირჟის ინდექსი 0,5%-ით, 2958 პუნქტამდე, რუსეთს ბირჟის კი - 3,14%-ით, 1234 -მდე დაეცა.
ჯერ კიდევ გერმანიის ხელისუფლების განცხადებამდე რუბლი დოლარისა და ევროს მიმართ პოზიციებს თმობდა, რაც დოლარის გამყარებასთან იყო დაკავშირებული. კიდევ ერთო ნეგატიური ფაქტორი აშშ-ს გაფრთხილება რუსეთის მხრიდან ბელორუსიის საქმეებში ჩარევის შესაძლებლობის გამო იყო.
Газпромбанк-ის ანალიტიკოსის ეგორ სუსინის თქმით, რუბლის ვარდნა ამ ეტაპზე გერმანიის მთავრობის განცხადებასთან პირდაპირ კავშირშია.
„ამ ეტაპზე ეს ემოციური რეაქციაა. ინვესტორების ნაწილმა გერმანიის მთავრობის განცხადების შემდეგ რუბლში დაბანდებების შემცირება გადაწყვიტა. თუმცა, რუბლი საშიშ ზღვარს - 76-ს - ჯერ არ გასცდენია. ახლო პერსპექტივაში რუსულ ეროვნულ ვალუტას ზეწოლის კიდევ ერთი ფაქტორი ექნება - ნავალნის ირგვლივ მოვლენების განვითარება და დასავლეთის რეაქცია მის მოწამლვაზე“ - მიიჩნევს სუსინი.
Ренессанс Капитал-ის ანალიტიკოსის სოფია დონეცის თქმით, 2-3 თვეში მოსალოდნელია ინვესტორებს შორის გაურკვევლობის ზრდა ევროპის და შტატებს მხრიდან რუსეთის წინაამღდეგ ახალი სანქციების შემოღების რისკის გამო.
„თუმცა, გამოცდილება გვიჩვენებს, რომ როგორც წესი, ინვესტორების რეაქცია ასეთი მასშტაბის მოვლენებზე ძირითადად მოკლევადიანია“ - მიიჩნევს ის.
მისი თქმით, რუბლმა გერმანიიდან გაჟღერებულ ახალ ამბებზე რეაგირება უკვე მოახდინა, და ინვესტორების მასშტაბური გაქცევა რუსეთის ფინანსური ბაზრიდან მოსალოდნელი არაა - თუ, რა თქმა უნდა, მოვლენები რადიკალური სცენარით არ განვითარდება.
მთავარი თეორიული საფრთხე დასავლეთის მიერ სანქციების შემოღებაა, თუმცა, ეს საბაზო სცენარი არაა.
სოფია დონეცის აზრით, რუბლი 75-76-ს ფარგლებში იმოძრავებს, რაც საკმაოდ დაბალი კურსია ფუნდამენტალური ეკონომიკური ფაქტორებიდან გამომდინარე.
ITI Capital-ის ანალიტიკოსის ისკანდერ ლუცკოს თქმით, ინფორმაცია ნავალნის „ნოვიჩოკი“-ით მოწამლვის თაობაზე სანქციების პირდაპირ რისკთან ასოცირდება.
„რას ფიქრობენ ამ დროს დასავლელი ინვესტორები? მძიმე სანქციების აშკარა სუნი დგას. თუ ეს თემა არ ჩაცხრება, ნავთობზე მაღალი ფასების პირობებშიც კი რუბლი 77-ზე ქვემოთ ჩამოვა. მოკლედ, ყველაფერი დამოკიდებულია გეოპოლიტიკურ ახალ ამბებზე“ - თვლის ექსპერტი.
forbes.com