სამშენებლო კომპანია “დაგის” ინიციატივით სოციალურ ქსელში ფოტოკონკურსი- “კონსტრუქცია, როგორც ხელოვნება” ჩატარდა. კონკურსის მიზანი იყო საზოგადოებისთვის გაეზიარებინა მონაწილეების თვალით დანახული შენებისა და რეკონსტრუქციის პროცესები. მიღებულმა ფოტომასალამ კი ნათლად დაგვანახა ის შრომა და სილამაზე, რაც მშენებლობის მიღმა იმალება. მონაწილეებმა გადაიღეს დაგის მიმდინარე პროექტები მთელი საქართველოს მასშტაბით. გამარჯვებულები 31 მარტს სპეციალურად მონაწილეებისთვის გამართულ გამოფენაზე გამოავლინეს და ფულადი პრიზები გადასცეს. 

Რჩეულ მონაწილეებს ფოტოგრაფმა გოგა ჩანადირმა არქიტექტურული ობიექტების გადაღების შესახებ საინტერესო მასტერკლასი ჩაუტარა და აღნიშნა, რომ მათი პროფესიონალიზმი და მონდომება ნამდვილად საწინდარია საინტერესო ფოროგრაფიული კარიერის.

სამი გამარჯვებული შემდეგი კრიტერიუმების მიხედვით აირჩიეს:

I. კომპანიის რჩეული, ჯილდო 5000 ლარი  - მაიკო გაგუა და საბა შველიძე, მთაწმინდის საბაგიროს ქვედა სადგურის ორი განსხვავებული ხედვა.

II. ჟიურის რჩეული, ჯილდო 3000 ლარი - ხვიჩა კონცელიძე, ლოკომოტივის სტადიონი.

III. ხალხის რჩეული, ჯილდო 2000 ლარი - ზურა გელაშვილი, ტორპედოს სტადიონი

ფოტოკონკურსის გამარჯვებულებმა თავიანთი ფოტოების მიღმა დანახული ჩანაფიქრიც გაგვიზიარეს:

მაიკო გაგუა

,,ძალიან მიყვარს თბილისის ქუჩებში სეირნობა განსაკუთრებით მზიან დღეებში, გამიმართლა რომ შუა ზამთარში ასეთი მოწმენდილი ცა დამემთხვა ამ ძველი და ლამაზი შენობის თავზე. მიუხედავად სიძველისა, მაინც თვალი მომჭრა მისმა ორნამენტებმა და ფერადმა ფანჯრებმა, რომელიც სიმწვანეშია ჩამალული. ამიტომაც, რამდენიმე რაკურსით გადავიღე და გადავწყვიტე ჩემი ფოტო თქვენთვისაც გამეზიარებინა.

საბა შველიძე

სასიამოვნო ფაქტია რომ ქალაქს კვლავ დაუბრუნდება ისტორიული საბაგირო. ყველაზე მეტად ჩემი ყურადღება შენობის თაღოვანმა ფორმებმა, მიმდინარე რეკონსტრუქციის პროცესმა და ფერთა გამამ მიიქცია.

სამშენებლო კომპანია “დაგი” 2003 წელს დაარსდა და შექმნიდან დღემდე ეწევა სამშენებლო, სარემონტო და საკონსტრუქციო სამუშაოებს ხარისხის კონტროლის სრული დაცვით. “დაგი”-ს მიერ განხორციელდა არაერთი მასშტაბური პროექტი, როგორც თბილისში, ასევე რეგიონებში და უამრავი მიმდინარე მნიშვნელოვანი პროექტით კვლავ აგრძელებს ქვეყნის ინფრასტრუქტურის განვითარებაზე ზრუნვას.

(R)