2022 წლის ფოტოკონკურსზე ქოლგა თბილისი ფოტო ნამუშევრების მიღება დაიწყება 2022 წლის 10 თებერვლიდან.
კონკურსში მონაწილეობის მიღება შეუძლია ნებისმიერი ქვეყნის წარმომადგენელს. ასაკი შეზღუდული არ არის.
კონკურსში მონაწილეობის მიღება შესაძლებელია ონლაინ 10 თებერვლიდან. რეგისტრაციის ბოლო ვადაა 2021 წლის 20 მარტი. ფოტო პროექტების თემატიკა შეზღუდული არ არის.
წლევანდელი ნომინაციები შემდეგნაირად განისაზღვრა:
- დოკუმენტური სერია
- რეპორტაჟი
- კონცეპტუალური ფოტოპროექტი
- საუკეთესო ერთი კადრი /Best shot/
- მობილური ფოტო ერთი კადრი
ნომინაციებში: დოკუმენტური სერია, რეპორტაჟი და კონცეპტუალური ფოტო პროექტი ატვირთულ ფოტოებს უნდა ჰქონდეს სერიის ფორმა 6-დან 12 ფოტომდე, ხოლო საუკეთესო ერთი კადრის და საუკეთესო მობილური ფოტოს ნომინაციაში მონაწილეს მხოლოდ 5-5 ფოტოს ატვირთვა შეუძლია. კონკურსში მონაწილეობის მსურველს შეუძლია სურვილისამებრ მონაწილეობა მიიღოს, როგორც ყველა გამოცხადებულ ნომინაციაში, ისევე როგორც ერთ ან რამდენიმე კატეგორიაში.
ფოტოების ატვირთვამდე შეავსეთ ავტობიოგრაფიის ველი. ფოტო სერიებში მონაწილეობის შემთხვევაში, მონაწილემ სავალდებულოა ტექსტის ველში ჩაწეროს ფოტო სერიის სათაური და კონცეფცია ინგლისურ ენაზე /მაქსიმუმ 900 ასო-ნიშანი/.
კონკურსში მონაწილეობის საფასური საქართველოს მოქალაქეებისთვის 15 აშშ დოლარია, ხოლო უცხოელებისთვის 30 აშშ დოლარი. კონკურსში მონაწილეობის მსურველებს შეუძლიათ სარეგისტრაციო თანხის საკრედიტო ბარათით ან Paypal-ით გადახდა. არ ვიღებთ ჩეკებს და Western Union-ის, სადებეტო ბარათების ან საფოსტო/საბანკო გადარიცხვის საშუალებით გამოგზავნილ თანხას.
თქვენს მიერ თანხის გადახდის შემდეგ შესაძლებელი იქნება ფოტოების შესაბამისი წესით ატვირთვა. რეგისტრაციიდან შემოსული თანხით შეივსება საპრიზო ფონდი 20 000 ლარი.
პირველ 4 ნომინაციაში მონაწილეობის მსურველებმა უნდა გაითვალისწინონ შემდეგი პირობები: ფოტოს სიგრძე უნდა იყოს 3500 პიქსელი. შეინახეთ ფოტო JPEG ფორმატში მაქსიმალური ხარისხით. მობილური ფოტო სერიის ნომინაციისათვის კონკურსში მონაწილეებმა უნდა ატვირთონ მინიმუმ 1500 პიქსელი სიგანის ფოტოები. ფერის მოთხოვნები: Adobe 1998, RGB Color.
ნომინაციებში: დოკუმენტური სერია, რეპორტაჟი, კონცეპტუალური ფოტოპროექტი და საუკეთესო ერთი კადრი შეგიძლიათ ნებისმიერი ტიპის კამერით გადაღებული ფოტოს ატვირთვა. ხოლო, მობილური ფოტოს ნომინაციისთვის მიიღება მხოლოდ ტელეფონით/ტაბლეტით გადაღებული ფოტოები.
საავტორო უფლებები რჩება ფოტოგრაფს. საუკეთესო ფოტოპროექტები გამოქვეყნდება KOLGA TBILISI PHOTO-ს ყოველწლიურ ონლაინ ფოტოკატალოგში. შესაძლებელია ზოგიერთი ფოტო გამოყენებულ იქნეს საკონკურსო ვიდეოსთვის და ფოტოკვირეულის სარეკლამო კამპანიისთვის. ფინალში გასული ყველა პროექტი გამოქვეყნდება ჩვენს ვებ-გვერდზე.
გამარჯვებულთა გამოსავლენად კონკურსზე მუშაობს საერთაშორისო ჟიური:
ფრანკ რობერტ - 'Der Standard, Wien' რედაქტორი (ავსტრია)
რობერტ ეშბი - კურატორი (დიდი ბრიტანეთი)
ვინსენტ ჩიანი - ფოტოგრაფი. პარსონსის სკოლის ლექტორი (აშშ)
თინა შელჰორნი - გალერისტი, კურატორი (გერმანია)
კერსტინ ჰაკერი - კემბრიჯის ხელოვნების სკოლის ლექტორი, ფოტოგრაფი (დიდი ბრიტანეთი)
ჟიური შეარჩევს საუკეთესო ფოტოპროექტებს, საიდანაც გამოვლინდებიან გამარჯვებულები. საუკეთესოთა შორის გასული ფოტოები აისახება კონკურსანტის პროფილში, საუკეთესო პროქტების ავტორებს და
(R)
ფოტოკონკურსი
