ევროპის ერთ-ერთმა უმსხვილესმა საჰაერო კოსმოსურმა ფირმამ ფრანგულმა Safran SA-მა, რუსეთის ურკაინაში შეჭრის და რუსეთისთვის დასავლეთის მიერ დაკისრებული სანქიცების გამო რუსეთში ყველა საქმიანობა შეაჩერა, რითაც რუსეთის სამოქალაქო ავიაციის ინდუსტრიას დიდი დარტყმა მიაყენა - ამის შესახებ ინფორმაციას გამოცემა wall street journal ავრცელებს.
Safran, როგორც UEC NPO Saturn-თან ერთობლივი საწარმოს ნაწილი და რუსეთის სახელმწიფო კონტროლირებადი ძრავების მწარმოებელი აწარმოებს ძრავებს, სადესანტო აღჭურვილობას და ძრავის საფარებს Sukhoi Superjet 100-ისთვის და რეგიონალური სამგზავრო თვითმფრინავისთვის, ის ასევე არის Volgaero-ს უმცირესობის აქციონერი, ერთობლივი საწარმო Saturn-თან, რომელიც აწარმოებს ნაწილებს ძრავებისთვის “Safran“ და ყიდის დასავლეთში.
„ყველა ზემოაღნიშნული საქმიანობა აშშ-სა და ევროპის სანქციების შესასრულებლად არის შეჩერებული“, - აცხადებენ კომპანიაში.
დასავლურმა სანქციებმა მძიმედ დაარტყა ზოგიერთ რუსი მწარმოებელს, რითაც ისინი გლობალური მიწოდების ჯაჭვებისგან მოწყვიტა. რუსული ავტომწარმოებელი Lada-ს მშობელმა კომპანიამ AvtoVAZ-მა წარმოება დახურა, რადგან მას აღარ შეეძლო ნაწილების საზღვარგარეთიდან მიღება.
მოსალოდნელია, რომ Safran-ის რუსული ერთობლივი საწარმოები დიდი დაბრკოლებების წინაშე აღმოჩნდებიან, რადგან მოუწევთ გააგრძელონ მუშაობა იმ ძირითადი ნაწილებისა და ექსპერტიზის გარეშე, რომელსაც Safran საფრანგეთიდან უზრუნველყოფს.
ბიზნესში 500 ადამიანია დასაქმებული და წლიურად დაახლოებით 300 მილიონ ევროს გამოიმუშავებს, რაც Safran-ის დაახლოებით 2%-ს შეადგენს.