შეერთებულ შტატებში მაისში უმუშევრობა პანდემიამდელ ნიშნულს გაუთანაბრდა და 3.5%-მდე შემცირდა. პლანეტის #1 ეკონომიკის მქონე ქვეყანაში გასული 31 დღის განმავლობაში 325 000 ახალი სამუშაო ადგილი შეიქმნა. ამის შესახებ ინფორმაციას Financial Times ავრცელებს.
უმუშევრობის შემცირებასთან ერთად შტატებში ვაკანტური ადგილების რაოდენობაც გაიზარდა და ამჟამად 1 უმუშევარზე 1.9 ვაკანტური ადგილი მოდის, მაგრამ დამსაქმებელთა მოთხოვნები და დასაქმების მსურველთა კვალიფიკაცია ერთმანეთს ვერ ემთხვევა.
შრომაზე მოთხოვნის ზრდას, ავტომატურად შრომის ანაზღაურების ზრდაც მოჰყვა. მაისში საშუალო საათობრივი ანაზღაურება, გასული წლის ანალოგიურ პერიოდთან შედარებით 5.2%-ით გაიზარდა.
შრომის ბაზარზე პოზიტიური ძვრების საპირისპიროდ, უმთავრეს პრობლემად მაღალი ინფლაცია ნარჩუნდება, რომელმაც 80-იანი წლების შემდეგ პირველად 8%-იანი ზარი გადალახა.
გასულ კვირას პრეზიდენტი ჯო ბაიდენი ფედერალური სარეზერვო ბანკის თავმჯდომარე ჯეი პაულეს შეხვდა და მხარდაჭერა გამოუცხადა, რომელმაც მარტში საპროცენტო განაკვეთი 0.5%-ით 0.75%-მდე გაზარდა. 2000 წლის მაისის შემდეგ ერთ ჯერზე 0.5%-ით ფედერალური საპროცენტო განაკვეთი არასდროს გაზრდილა.
2020 წელს აშშ-ის ეკონომიკამ 1946 წლის შემდეგ ყველაზე დიდი ვარდნა განიცადა და 3.4%-ით შემცირდა, 2021 წელს 1984 წლის შემდეგ ყველაზე მეტად 5.7%-ით გაიზარდა. იმავე 2021 წელს უმუშევრობის დონე 6.7%-დან 3.9%-მდე შემცირდა.