ჩინელ მომხმარებელთა დაბალი ნდობის გამო ძვირადღირებული საათების ფასები მკვეთრად ეცემა. ჩინეთში ბოლო რამდენიმე თვის განმავლობაში მეორადი, ძვირადღირებული საქონლის ფასი მკვეთრად დაეცა, რადგან მოსახლეობის მდიდარმა ნაწილმა თავისი ხარჯების შემცირება გადაწყვიტა და Rolex-ის საათებსა და Hermes-ის ჩანთების გაყიდვა დაიწყო. —  ამის შესახებ ინფორმაციას Financial Times ავრცელებს. 

მათივე ინფორმაციით, ძვირადღირებული საათებისა და ჩანთების ათზე მეტი პოპულარული ბრენდის ღირებულება 20-და 50 პროცენტამდე მეორად ბაზარზე მას შემდეგ დაეცა, რაც მარტში შანხაიმ covid-19-ის გავრცელების პრევენციის მიზნით ჩინეთის ფინანსური და კომერციული კაპიტალის ჩაკეტვა დააწესა.

შანხაიში და ათეულობით სხვა რეგიონში დაწესებულმა შეზღუდვებმა მძიმე დარტყმა მიაყენა იმ მცირე ბიზნესის მფლობელებს, რომლებსაც უკვე დაგროვილი ჰქონდათ  ფუფუნების საგნების დიდი კოლექციები, თუმცა განმეორებით დაწესებულმა შეზღუდვებმა მათი ფულადი ნაკადები დააზიანეს და მათ არსებული კოლექციიდან  ნივთების  გაყიდვა გადაწყვიტეს.

გასულ კვირას ეპიდემიის გავრცელების პრევენციის მიზნით დაწესებული შეზღუდვების გამო ათიათასობით  ტურისტი კუნძულ ჰაინანში, რომელიც  ცნობილია  როგორც „ჩინეთის ჰავაი“ ვერ ჩავიდა.  ჩინეთის მთავრობის  გადაწყვეტილებით ჰაინანი ცნობილია, როგორც  „უბაჟო სამოთხე“  სადაც ჩინელ მომხმარებელს შეუძლია იყიდოს ისეთივე ფუფუნების საგნები, როგორებსაც იყენებენ ისეთ ქალაქებში როგორიცაა პარიზი, რომი და ლონდონი.

მეორადი ძვირადღირებული საათების ინდუსტრიული პორტალი Watcheco –  ს ინფორმაციით  კოლექციონერებისა და  სფეროს სპეციალისტებისთვის ყველაზე მიმზიდველი მეორადი Rolex Submariners - ის  ფასი  46 %  - ით  დაეცა.

ძვირადღირებული ჩანთების დილერებმა შანხაიში და ჰანგჯოუში დაახლოებით ხუთჯერ შეამცირეს ისეთი კლასიკოსების, ბრენდების როგორიცაა Hermès Birkin ჩანთების ფასები .

”ბუმის დრო დასრულდა”, -  აღნიშნა ძვირადღირებული საათების გამყიდველმა  ჯეიმს ვანგმა, „ჩვენ შევდივართ კორექტირების პერიოდში, რომელიც შეიძლება დიდხანს გაგრძელდეს“. მან ასევე  აღნიშნა, რომ მან მხოლოდ ივლისში შეიძინა ექვსი Patek Philippe და 29 Rolex Submariner საათი გაჭირვებული მფლობელებისგან.

შანხაიში დაფუძნებულ საკონსულტაციო კომპანია China Market Research-ის წარმომადგენელმა შონ რეინმა აღნიშნა, რომ მიწოდების უეცარი ზრდა და მეორადი ძვირადღირებულ საქონელზე ფასის ვარდნა მიუთითებდა იმაზე, რომ აღნიშნულ  პროდუქციას მომხმარებლებს შორის დაბალი ნდობა აქვს.

”ეს ალბათ ყველაზე სუსტია, რაც მინახავს ჩინეთში 25 წლის განმავლობაში,” - დასძინა მან. ზოგიერთი ფუფუნების საგნების ინვესტორის მტკიცებით ფასების ვარდნა მარტის არამდგრადი ზრდის შემდეგ  გარდაუვალი იყო.

შანხაის ჩაკეტვამდე ექვსი თვის განმავლობაში, მეორადი Rolex Submariners-ის ფასი დაახლოებით  240 პროცენტით გაიზარდა.

სემ ქსუე, საათის ინვესტორმა, რომელიც ფლობს ელექტრო გამათბობლების ქარხანას აღმოსავლეთ ქალაქ ვუქსიში, თქვა, რომ ფასების ზრდა იყო სპეკულაცია და არამდგრადი. მისივე  თქმით „სუსტი ეკონომიკა ფუფუნების ბუმს ვეღარ გაუძლებს და ის ძვირადღირებულ  პროდუქციას აღარ იყიდის თუ ფასები კიდევ  30% ით  არ შემცირდება“