ჩინეთის მთლიანი შიდა პროდუქტი პირველ კვარტალში 4,8%-ით გაიზარდა, რაც ეკონომისტების პროგნოზს აღემატება. საცალო გაყიდვები წინა წელთან შედარებით 3,5%-ით დაეცა, რაც პირველი კლებაა 2020 წლის ივლისის შემდეგ, ხოლო უმუშევრობის დონემ მარტში 5,8%-ს მიაღწია. 

მიიღე ინფორმაცია უფრო სწრაფად „კომერსანტის“ Telegram-ზე.

სამრეწველო წარმოება გაიზარდა 5%-ით, საშუალო პროგნოზის 4%-ზე მეტით. ინვესტიციების ზრდა პირველ კვარტალში 9.3%-მდე შემცირდა. 2021 წლის ბოლო კვარტალთან შედარებით ეკონომიკა 1.3%-ით გაიზარდა, რაც ზრდის შენელებაზე მიუთითებს.

უმუშევრობის დონემ მარტში 5,8%-ს მიაღწია, რაც ყველაზე მაღალი მაჩვენებელია 2020 წლის მაისის შემდეგ. Liu Peiqian, NatWest Group-ის ჩინელმა ეკონომისტმა, განუცხადა სააგენტოს, რომ მზარდი უმუშევრობა გავლენას მოახდენს ეკონომიკაზე გრძელვადიან პერსპექტივაში - დასაქმება მხარს უჭერს საქმიანობას წარმოებიდან მოხმარებამდე.

ჩინეთის სამომხმარებლო ხარჯები შემცირდა მარტში COVID-ის ახალი შტამის გამო დაწესებული რეგულაციების შედეგად. კვების პროდუქტების შემოსავლები მარტში 16.4%-ით შემცირდა ერთი წლის წინანდელთან შედარებით, რაც იმის ნიშანია, რომ მომხმარებლებს ან არ შეუძლიათ ან არ სურთ დახარჯონ. ჩინეთი აპირებდა 2022 წელს მიაღწიოს დაახლოებით 5,5%-იან ეკონომიკურ ზრდას, ეკონომისტების კონსენსუსის შეფასებით მშპ-ს ზრდა 5%-მდე შენელდება.

ft.com