FT: ეკონომისტების 70% ფიქრობს, რომ 2023 წელს აშშ რეცესიაში შევა

FT: ეკონომისტების 70% ფიქრობს, რომ 2023 წელს აშშ რეცესიაში შევა

access_time2022-06-14 14:30:00

მომავალ წელს ამერიკის შეერთებული შტატების ეკონომიკა რეცესიაში შევა, – ასე ფიქრობს Financial Times-ისა და ჩიკაგოს უნივერსიტეტის მიერ გამოკითხულ ეკონომისტთა უმრავლესობა. ეკონომისტების აზრით, აშშ-ის ეკონომიკის მკვეთრ კლებას, უმეტესწილად, გეოპოლიტიკური სირთულეები, ენერგორესურსების ფასების მკვეთრი ზრდა და ლოგისტიკურ ჯაჭვებში არსებული გარღვევები გამოიწვევს.


საინტერესოა, გამოკითხულ ეკონომისტთა თითქმის 40% ვარაუდობს, რომ ეკონომიკური კვლევების ეროვნული ბიურო (NBER) – ორგანიზაცია, რომელიც ქვეყანაში რეცესიის დაწყებისა და დამთავრების თარიღს ადგენს, ამერიკის ეკონომიკის რეცესიაში შესვლის შესახებ მომავალი წლის პირველ ან მეორე კვარტალში გამოაცხადებს. გამოკითხულთა მესამედი ფიქრობს, რომ რეცესია ოფიციალურად 2023 წლის მეორე ნახევარში დაიწყება.


საინტერესოა, რომ გამოკითხულთა შორის ერთ ეკონომისტს განსაკუთრებით პესიმისტური პროგნოზი აქვს – მისი აზრით, აშშ-ის ეკონომიკა რეცესიაში მიმდინარე წელსვე შევა. თუმცა ასე არ ფიქრობს ეკონომისტთა უმრავლესობა, რომელთა ვარაუდით, წელს სამუშაო ადგილების რაოდენობა საშუალოდ 200-300 ათასით გაიზრდება, ხოლო უმუშევრობის დონე 3.7%-ის ფარგლებში დასტაბილურდება.



გამოკითხულთა 12% ფიქრობს, რომ 2023 წლის ბოლოსთვის ინფლაცია 3%-ს გადააჭარბებს – ეს სტატისტიკა განსაკუთრებით საყურადღებოა, რადგან მიმდინარე წლის დასაწყისში ასე მხოლოდ გამოკითხულთა 4% ფიქრობდა.


ამასთანავე, განსაკუთრებით საყურადღებოა ეკონომისტების აზრი ფედერალური სარეზერვო სისტემის მიერ ინფლაციის მაჩვენებლის კონტროლთან დაკავშირებით – გამოკითხულ ეკონომისტთა 40% ფიქრობს, რომ წლის ბოლოსთვის რეფინანსირების განაკვეთის 2.8%-მდე გაზრდა ინფლაციის მაჩვენებლის დასაჭერად საკმარისი არ იქნება.


შეგახსენებთ, რომ მაისში აშშ-ში წლიური ინფლაციის დონემ 8.6%-იან ნიშნულს მიაღწია, რაც 1981 წლის შემდეგ დაფიქსირებული უმაღლესი მაჩვენებელია.


წყარო: forbes.ge


თეგები:
რეცესია



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up