გადასახადების და აქტივობების კუთხით სასამართლოში ორი სარჩელი უკვე შეტანილი გვაქვს, თუმცა საკონსტიტუციო სასამართლომ მხოლოდ ორი განხილვა მოახდინა, მესამე საკმაოდ იწელება, — ამის შესახებ „კომერსანტს“ სათამაშო ბიზნესის ასოციაციის ადმინისტრაციის ხელმძღვანელმა გიორგი მამულაიშვილმა სათამაშო ბიზნესთან დაკავშირებით საკანონმდებლო ცვლილებებზე საუბრისას განუცხადა.
მისი თქმით, სათამაშო ბიზნესი რეგულაციების წინააღმდეგი არ ყოფილა, თუმცა ის ფორმა, რა ფორმითაც კანონი უნდა ამოქმედდეს, მიუღებელია, რადგან მაღალი გადასახადების დაწესების შემდეგ არალეგალურ საიტებთან არათანაბარ კონკურენტულ გარემოში აღმოჩნდნენ.
„ლიცენზირების წინააღმდეგი არ ვართ, უბრალოდ გაუგებარია ის ფაქტი თუ რა კუთხით მოხდა ამის გაკეთება. ერთის მხრივ ამბობენ, რომ კაზინოები ცუდის მომტანია, მეორეს მხრივ კი მათ პოპულარიაზაციას ვუკეტებთ, რადგანაც თუ მართლა გვინდა რომ ონლაინ ლიცენზია აიღო ან არ გახსნა ობიექტი მაშინ უნდა გადაიხადო 5 მლნ ლარი, ხოლო თუ ობიექტს გახსნის 100 000 ლარი, ეს არ არის სწორი მიდგომა და მას მსოფლიოში ანალოგი არ ჰყავს. „მიწის კაზინოზე“ ონლაინ კაზინოს მიბმა არაა სწორი მიდგომა, გარდა ამისა დაირღვა აზარტული თამაშების შესახებ პრინციპი. მართალია შემდეგ წელს სახელმწიფო მოსაკრებლების სახით მეტს მიიღებს, თუმცა ეს არ იქნება შედეგის მომტანი, რადგან ბიზნესისთვის ეს პირდაპირ დამატებითი გადასახადია და სხვა არაფერი.
ადგილობრივ ოპერატორს გადასახადებიდან გამომდინარე მარკეტინგული მიმართულების განვითარება უჭირს. უცხოური ოპერატორი, რომელიც არაა რეგისტრირებული საქართველოს ტერიტორიაზე და არ ექვემდებარება საქართველოს კანონმდებლობას, იმ თანხას, რასაც ადგილობრივი ოპერატორი გადასახადებში იხდის, რეკლამაზე ხარჯავს“, — ამბობს გიორგი მამულაშვილი.
აზარტული თამაშობების შესახებ ცვლილებათა პაკეტი, რომლის მიხედვითაც, ელექტრონული ფორმით სამორინეს, სათამაშო აპარატების, ტოტალიზატორის თამაშობების ორგანიზების სანებართვო საქმიანობების განსახორციელებლად სექტორმა ლიცენზია უნდა მოიპოვოს სრულად 2024 წლიდან ამოქმედდება.