გაერთიანებულმა სამეფომ რუსეთის წინააღმდეგ სანქციების ახალი ტალღა დააანონსა. გაერთიანებული სამეფოს საგარეო უწყების ინფორმაციით, ახალი სანქციების სამიზნე იქნებიან „გენერლები, რომლებიც წინა ხაზზე სიმხეცეს სჩადიან, ასევე ფიზიკური პირები და ბიზნესები, რომლებიც მხარს უჭერენ პუტინის ჯარს“.
„ისინი განგებ ესხმიან თავს ჰოსპიტლებს, სკოლებსა და სატრანსპორტო ჰაბებს მარიუპოლსა და მის მიღმა, ზუსტად ისევე როგორც მათ გააკეთეს ჩეჩნეთსა და სირიაში. დიდი ბრიტანეთი ურყევია უკრაინისადმი მხარდაჭერაში და პუტინსა და მის რეჟიმზე პასუხისმგებლობის დაკისრებაში. სანქციების ახალი ტალღა გენერლებსა და თავდაცვის კომპანიებს ურტყამს, რომლებსაც სისხლი აქვთ ხელზე“, - განაცხადა გაერთიანებული სამეფოს საგარეო საქმეთა მდივანმა ლიზ ტრასმა.
გაერთიანებული სამეფო სანქციებს შემდეგ სამხედრო პირებს უწესებს:
რუსული არმიის მეთაური, „ბუჩას ხოცვა-ჟლეტაში“ მონაწილე ვიცე-პოლკოვნიკი აზატბეკ ომურბეკოვი;
საჰაერო-სადესანტო ძალების მეთაური გენერალ-პოლკოვნიკი ანდრეი სერდიუკოვი;
გენერალ-მაიორი, რუსეთის სპეციალური ოპერაციების ძალების მეთაური ვალერი ფლიუსტიკოვი;
რუსეთის შეიარაღებული ძალების გენერალური შტაბის უფროსის პირველი მოადგილე, გენერალ - პოლკოვნიკი ნიკოლაი ბოგდანოვსკი.
სანქციები
