ექსპერტებმა მარსის ნიადაგზე ჭარხალი, ბოლოკი და სალათის ფოთოლი მოიყვანეს, თუმცა ისინი არ ჰგვანან დედამიწელ ანალოგებს.
აიოვას შტატის მეცნიერება ლაბორატორიულ პირობებში მარსის გრუნტზე გაზარდეს აღნიშნული ბოსტნეული. ამის შესახებ Space–ზე დაყრდნობით KorrespondenТ წერს.
მარსზე ეკიპაჟების გამოკვება საკმაოდ ძვირია და ამის გამო ექსპერტები დიდი ხანია ეძებენ მარსზე სასოფლო–სამეურნეო კულტურების მოყვანის შესაძლებლობას. თუმცა, პლანეტის ნიადაგი ღარიბია და არ შეიცავს საკმარის საკვებ ნივთიერებებს, რაც მნიშვნელოვანია მცენარეთა გასაზრდელად, ხოლო წყალი უკიდურესად მარილიანია.
მეცნიერებმა ახალ კვლევაში წითელი პლანეტის ვულკანური ქანები შეისწავლეს და მცენარეთა მოყვანის ექსპერიმენტიც ჩაატარეს.
მკვლევრებმა აღმოაჩინეს, რომ იონჯა, რომელსაც პირუტყვის გამოსაკვებად იყენებენ, კარგად იზრდება მარსის გრუნტში. მეტიც, როდესაც მეცნიერებმა მოყვანილი იონჯა დაფქვეს, მიიღეს ფხვნილი, რომელიც სასუქად გამოდგება იგივე გრუნტში ჭარხლის, ბოლოკისა და სალათის ფოთლის გასაზრდელად.
მეცნიერებმა ასევე აღმოაჩინეს, რომ ზღვის ბაქტერიების Synechococcus sp. PCC 7002 მეშვეობით, რომლებიც დედამიწაზე ზღვის წყლის გამტკნარებისთვის გამოიყენება, კარგი საშუალებაა მარსიანული წყლისგან მარილის მოსაშორებლად.
თუმცა, მარსის გრუნტზე მოყვანილი მცენარეები საკვებად არც თუ სასურველი გამოვიდა დაბალი კვებითი თვისებების გამო.
მარსი
