Galt&Taggart მიმდინარე წელს ფასების ლარში წლიურ 5%-იან ზრდას და დოლარში 8%-იან ზრდას ელოდება, ხოლო ქირის ფასების დასტაბილურებას პროგნოზირებს. 

„ჩვენ ველოდებით უძრავი ქონების ფასების ზომიერ ზრდას, რადგან: 1. სამშენებლო ხარჯების ზრდა დასტაბილურდა; 2. ამ ეტაპზე მიგრანტების მხრიდან ბინების შესყიდვაზე მოთხოვნის მნიშვნელოვანი ზრდა არ ფიქსირდება. 2023 წელს ჩვენ ველოდებით უძრავი ქონების ფასების 5%-იან წლიურ ზრდას ლარში და 8%-ს აშშ დოლარში.

2022 წლის მკვეთრი ზრდის შემდეგ, ჩვენ ველოდებით იჯარის ბაზარზე ფასების დასტაბილურებას 2023 წელს ველოდებით ქირის ნულოვან ზრდას, როგორც ლარში, ისე დოლარში“, — აღნიშნულია Galt&Taggart-ის უძრავი ქონების სექტორის განახლებულ მიმოხილვაში.

აღსანიშნავია, რომ უძრავი ქონების გაყიდვები თბილისში სტაბილურად მზარდია, ხოლო ფასები დაახლოებით 30%-ითაა გაზრდილი აშშ დოლარში. რაც შეეხება ბათუმს, უძრავი ქონების გაყიდვები აქ მნიშვნელოვნად გაიზარდა.