ქვეყანაში შესაძლოა ძველი ავტომობილების იმპორტი აიკრძალოს. ამის შესახებ გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს უფროსმა ნოე მეგრელიშვილმა მედიასთან საუბრისას განაცხადა, თუმცა სამინისტროში განმარტავენ, რომ ეს ჯერ მხოლოდ იდეის დონეზეა და ევროპული სტანდარტების გათვალისწინებით, სამომავლოდ, მსგავსი რეგულაციების შემოღებისას შეზღუდვები არ შეეხება ტრანზიტულ ავტომობილებს და  ქვეყანაში არსებულ ავტოპარკს, ისევე როგორც ეს ხდება ყველა ევროპულ ქვეყანაში.

ავტო-იმპორტიორთა ასოციაციის ხელმძღვანელი ლაშა დარბაისელი „კომერსანტთან“ ამბობს, რომ ზოგადად ავტომობილების წლოვანების მიხედვით შეზღუდვა არა რელევანტურია, რადგან თუ ვიტყვით, რომ 2013 წლამდე ავტომობილი ყველა შეუსაბამო სტანდარტია გარემოს დაბინძურებასთან მიმართებაში ეს სწორი შეზღუდვა არ იქნება.

„გაჟღერდა ინფორმაცია, რომ 2013 წლამდე ავტომობილების აკრძალვა იგეგმება. ჩემთვის გასაკვირია ის ფაქტი, რომ კონკრეტული წლოვანების ავტომობილები უნდა შევზღუდოთ. თან ამბობენ, რომ ევროპული სტანდარტებია, რომელ ევროპულ ქვეყანაში არის ავტომობილების რომელიმე წლოვანების მიხედვით შეზღუდვა? ეს არანაირ შედეგს არ მოგვცემს, დავაზიანებთ ამ სექტორს. რა თქმა უნდა ყიდვის დროს 

მართლა გაუსაძლისია დიდ ქალაქებში ცხოვრება გამონაბოლქვის გამო, თუმცა ამ პრობლემის მოგვარება ასე არ ხდება, რადგან ჯერ კიდევ აკრძალული არ არის კატალიზატორის ჩაბარება. ტექდათვალერების დროს დიდ ყურადღებას არ აქცევენ ავტომობილს აქვს თუ არა კატალიზატორი და თუ არ აქვს მას ნელ-ნელა გამონაბოლქვი ემატება, სწორედ აქედან გამომდინარეობს ეს პრობლემა. რეალურად შეაიძლება 2013 წლამდე გამოშვებულს უფრო ნაკლები გამონაბოლქვი ჰქონდეს, ვიდრე შედარებით ახალს, ეს არის დამოკიდებული ავტომობილის მდგომარეობაზე. გამონაბოლქვის მიზეზი ავტომობილზე კატალიზატორის არქონა უფროა, ვიდრე მისი გამოშვების თარიღი“, — აღნიშნავს ლაშა დარბაისელი.

საქსტატის მონაცემებით, 2022 წლის დასაწყისში საქართველოში რეგისტრირებული იყო 1 477 400 ავტოსატრანსპორტო საშუალება, რომელთაგან აბსოლუტური უმრავლესობა – 1 229 200 გამოშვებულია 10 და მეტი წლის წინ.