„საქართველოს ბანკმა“ ბინის ყიდვის მსურველებს ახალი, ინოვაციური პროდუქტი- „გარანტირებული შენაძენი“ ჯერ კიდევ ერთი წლის წინ შესთავაზა. ის მომხმარებელს დეველოპერებისგან უძრავი ქონების შესყიდვას უზღვევს თანაც ისე, რომ მას ამ პროდუქტში დამატებითი თანხის გადახდა არ უწევს.

„გარანტირებული შენაძენის“ დახმარებით დეველოპერი ბინის გაყიდვის პროცესს კიდევ უფრო იმარტივებს, რადგან მომხმარებლებს მშენებლობის მიმართ ნდობა უჩნდებათ. თუკი რაიმე მიზეზით პროექტი არ დასრულდება და ბინის ჩაბარება ვერ მოხდება, ბინის მყიდველს ზარალს საქართველოს ბანკი უნაზღაურებს და გადახდილ თანხას სრულად უბრუნებს. 

გაყიდვების ხელშეწყობა, მარკეტინგული მხარდაჭერა და მომხმარებელთა კმაყოფილების ზრდა – ეს სქემაში ჩართული დეველოპერების მთავარი ბენეფიტია.დეველოპერები აღნიშნავენ, რომ გარანტირებული შენაძენი ეხმარებათ გაზარდონ მშენებლობის მიმართ სანდოობა, მოიზიდონ ახალი მომხმარებლები და შედეგად, წარმატებით განახორციელონ გაყიდვები.

„გარანტირებული შენაძენის“ პროდუქტით დაინტერესება მომხმარებლების მხრიდან ძალიან მაღალია. ჩვენ შიდა განვადებითაც ვსარგებლობდით და გვქონდა ასევე საქართველოსბანკის იპოთეკური სესხი, ბოლო პერიოდში შიდა განვადების ნაწილი მოვხსენით და დავამატეთ ბანკის ახალი პროდუქტი. შესაბამისად, შემიძლია ვთქვა, რომ ამის შემდეგ გაყიდვები მინიმუმ 20%-ით გაიზარდა.

როგორც დეველოპერმა, შემიძლია გითხრათ, რომ ეს პროდუქტი ბევრად უფრო გვიმარტივებს გაყიდვების ნაწილს და ამის გარეშე ძალიან რთულია, რადგან ერთიანი თანხა უმრავლესობას არ აქვს, იმისთვის რომ ბინა იყიდოს, შესაბამისად ახალი საბანკო პროდუქტი ძალიან კარგად მუშაობს“,  - განაცხადა„მეგა კონსტრაქშენის“ სტრატეგიული კომუნიკაციის დეპარტამენტის ხელმძღვანელმა, დავითბუშელაშვილმა.

„მომხმარებლები საქართველოს ბანკის ახალი პროდუქტის „გარანტირებული შენაძენის“ შესახებ როცა იგებენ, დაინტერესება ჩვენი პროექტის მიმართ უფრო მეტად იზრდება და ეს დამატებითი ბენეფიტია.

ჩვენი მომხმარებლებისთვის მნიშვნელოვანია, რომ საქართველოს ბანკი ჩვენი პარტნიორია. როდესაც ამ პროდუქტის შესახებ იგებენ, ჩვენს მიმართ უფრო მეტად უმყარდებათ ნდობა და უფრო თავდაჯერებულად ახერხებენ ბინის შეძენას“, - განაცხადეს კომპანია „ნიუ ჰაუსში“.

„გარანტირებული შენაძენი“ უძრავი ქონების მყიდველის მხრიდან დეველოპერული კომპანიებისადმი ნდობას მნიშვნელოვნად ზრდის. პროგრამაში ჩართული კომპანიებისთვის, ეს ნამდვილად წინ გადადგმული ნაბიჯია, რადგან საქართველოს ბანკი მომხმარებლისთვის ქონების შეძენის გარანტორად დგება. თითოეული ბინა ბანკის მიერაა დაზღვეული. ეს იმას ნიშნავს, რომ თუკი რაიმე მიზეზით პროექტი არ დასრულდა, მომხმარებელს ზარალს ბანკი სრულად აუნაზღაურებს. აღსანიშნავია, რომ პროდუქტით სარგებლობა მომხმარებლის მხრიდან დამატებითი ხარჯის გაწევას არ საჭიროებს. შეთავაზება ვრცელდება როგორც ბინის იპოთეკით, ასევე ერთიანი გადახდით შეძენის შემთხვევაში“, - აღნიშნა შპს „შიფტის“ წარმომადგენელმა გიორგი მჟავანაძემ.

(R)