Hindenburg Research-ის მიერ გასაჯაროებული უახლესი ანგარიშის მიხედვით forbes-ის მილიარდერების რეიტინგში გაუტამ ადანიმ მე-3 ადგილიდან მე-7 პოზიციაზე გადაინაცვლა. 48 საათში მილიარდერმა 30 მილიარდის ქონება დაკარგა,  გასული 24 საათის ვარდნის მაჩვენებელმა კი 21 მილიარდი დოლარი შეადგინა. Bloomberg - ის ინფორმაციით  ანალიტიკოსები ამტკიცებენ რომ ადანის ბიზნესიმპერია სიცრუეზე დგას  და მისი აქციების  მკვეთრი  ზრდა საფონდო ბირჟების  მანიპულაციით  თაღლითობით  და ანგარიშები გაყალბებით არის  განპირობებული.

ადანის ადვოკატების მტკიცებით Hindenburg-ის კვლევა რეალურ ფაქტებს არ ეფუძნება  და მისი გასაჯაროების მიზანი სწორედ ზემოხსენებული short პოზიციით სარგებლის მიღება იყო.

გამომდინარე იქიდან, რომ  კვლევითი ორგანიზაცია მსოფლიოს მასშტაბით საკმაოდ სერიოზული რეპუტაციით სარგებლობს და მის მიგნებებს ინვესტორები თუ ტრეიდერები გადაწყვეტილებების მიღების პროცესში ნამდვილად ითვალისწინებენ. სწორედ ამის გამო, Adani Group-ი Hindenburg-ის წინააღმდეგ სასამართლოში სარჩელის შესატანად ემზადება.

ადანიმ ქონება  თავდაპირველად ქვანახშირის მრეწველობით მოიპოვა, თუმცა თითქმის მთელი ქონება ბოლო ორი წლის განმავლობაში სუფთა ენერგეტიკასა და ინფრასტრუქტურაზე გადასვლის წყალობით დააგროვა, რის გამოც ის ინვესტირებას ახდენდა ისეთ კომპანიებში, როგორიცაა საფრანგეთის Total SE და Warburg Pincus.

ის ასევე იკვლევს პოტენციურ პარტნიორობას საუდის არაბეთში, მათ შორის მსოფლიოში ნავთობის უმსხვილეს ექსპორტიორში წილის შეძენის შესაძლებლობას.

ზოგადად, გაუტამ ადანის გამდიდრების ისტორია არაერთ კითხვისნიშანს ბადებს, რაც იმ ფაქტითაა განპირობებული, რომ Adani Group-ის შვილობილ კომპანიებს ინდოეთში ათასობით მსხვილი ტენდერი უკონკურენტოდ აქვთ მოგებული, თავად ადანი კი ქვეყნის პრემიერ-მინისტრის, ნარენდრა მოდის ახლო მეგობარი და მმართველი პოლიტიკური პარტიის უმსხვილესი შემომწირველია.