რა სიახლეები იგეგმება ლიბერთიში და რა ახალი შეთავაზებები აქვს ბანკს მომხმარებლებისთვის, ამასთან დაკავშირებით „კომერსანტის“ ეთერში „ლიბერთის“ მცირე და საშუალო ბიზნესის მიმართულების დირექტორის მოადგილემ ირაკლი აბაშიძემ ისაუბრა.

როგორც ირაკლი აბაშიძემ განაცხადა, პირველი მარტიდან „ლიბერთიმ“ დაიწყო კამპანია „გაზარდე შენი ბიზნესი“, რომელიც მომხმარებლებს 50 000 ლარამდე სესხის მარტივად, სწრაფად და მომგებიანი პირობებით აღების საშუალებას აძლევს.

„აღნიშნული კამპანია დაიწყო პირველი მარტიდან და გაგრძელდება 2 თვე. ჩვენს მომხმარებლებს შეუძლიათ აღნიშნული აქციით 1-ელი მარტიდან 30 აპრილის ჩათვლით ისარგებლონ.

აქციის „გაზარდე შენი ბიზნესი“ ფარგლებში ის მომხმარებლები, რომლებიც ამ ორი თვის განმავლობაში ისარგებლებენ ბიზნეს სესხით, 2%-ს მიიღებენ ქეშბექის სახით. ანუ აღებული სესხის 2% მათ უკან დაუბრუნდებათ ანგარიშზე.

ეს საკმაოდ კარგი შეთავაზებაა, პირველი - მომხმარებლებს სესხის აღება საკმაოდ კარგი პირობებით შეუძლიათ, სესხის მაქსიმალური მოცულობა არის 50 ათასი, რაც ყველაზე კარგია მომხმარებლებისთვის ამ თანხას არ სჭირდება დამატებითი უძრავი ქონება და ასე შემდეგ, რაც კიდევ უფრო მეტად ამარტივებს სესხის აღებას. მეორე - უკვე აღებული თანხის 2% მათ უკანვე დაუჯდებათ ერთი თვის განმავლობაში ანგარიშზე. მესამე - მომხმარებლებისთვის მნიშვნელოვანია სისწრაფე, ეს სესხი კი მომხმარებელს ფილიალში მოსვლიდან და განაცხადის გაკეთებიდან რამდენიმე საათში  შეუძლია აიღოს.

ამასთან, არ არის შეზღუდული სესხის მიზნობრიობა, რომ მაინცდამაინც ბიზნესისთვის უნდა იქნეს აღებული ან სამომხმარებლო მიზნებისთვის.

ასევე მომხმარებლებს, რომლებსაც აქვთ სხვა ბანკში სესხი, შეუძლიათ ისარგებლონ ლიბერთი ბანკის ამ აქციით, აიღონ უკეთეს პირობებში სესხი, გადაფარონ სხვა ბანკში ვალდებულებები და ასევე ისარგებლონ ამ 2%-იანი ქეშბექით,“- განაცხადა ირაკლი აბაშიძემ.

„ლიბერთი ბანკის“ წარმომადგენელმა ასევე ისაუბრა იმ პროექტზე, რომელსაც ბანკი რეგიონებში აგრო და მცირე ბიზნეს სექტორში დასაქმებული ახალგაზრდების დახმარების მიზნით ახორციელებს.

„ეს მიმართულება „ლიბერთისთვის“ ძალიან მნიშვნელოვანია და 2022 წელს ბანკმა ამ მიმართულებით საკმაოდ დიდი ნაბიჯები  გადადგა. ეს „მერსი კორპის“ და ავსტრიის განვითარების ფონდის მიერ დაფინანსებული პროექტია, „ლიბერთი“ არის ამ პროექტის პარტნიორი. პროექტი გულისხმობს რეგიონებში ახალგაზრდა მეწარმეების გადამზადებას  და ასევე მათი ფულადი რესურსებით უზრუნველყოფას, საკმაოდ დიდ მასშტაბებზეა საუბარი და საკმაოდ დროში გაწერილი პროექტია.

პროექტი მოიცავს საქართველოს თითქმის ყველა რეგიონს, ახალგაზრდა მეწარმეების ასაკობრივი ზღვარი არის 18-35 წლამდე. თავდაპირველად მოხდა 2000 აპლიკანტის შერჩევა, პირველი ეტაპის ტრენინგი გაიარა დაახლოებით 1800 მონაწილემ, შემდგომ ეტაპზე გადავიდა დაახლოებით 700 ახალგაზრდა მეწარმე, შემდგომ ეტაპზე კი გადავა დაახლოებით 370, რომლებიც ასევე მიიღებენ დამატებით ტრენინგებს და მიკროგრანტებს, რაც ძალიან მნიშვნელოვანია მათი ბიზნესის განვითარებისთვის ან ახალი ბიზნესის დასაწყებად.

მნიშვნელოვანია გამოვყოთ „ლიბერთის“ როლი, თუ რა იგულისხმება პარტნიორობაში. ჩვენი ჩართულობა ამ მიმართულებით არის რეგიონებში ფინანსურ განათლების ამაღლება და მეწარმეების ხელშეწყობა, რომ ეფექტურად მართონ ბიზნესი. სწორედ აქ ვხედავთ ჩვენ საკმაოდ დიდ როლს. ის ცოდნა, რაც გაგვაჩნია ჩვენ ამ მიმართულებით, გვინდა მივახმაროთ მეწარმეებს, რომლებიც რეგიონებში არიან და აკეთებენ ძალიან მაგარ საქმეებს,“- აღნიშნა აბაშიძემ.

რა შეთავაზებები და პროდუქტები აქვს „ლიბერთის“ მცირე საოჯახო ტიპის მეურნეობების ხელშეწყობის მიმართულებით. როგორც ირაკლი აბაშიძე ამბობს „ლიბერთის“ სოციალური პასუხისმგებლობის მიმართულება სწორედ ამ ტიპის საოჯახო მეურნეობების ხელშეწყობას ემსახურება.

რეგიონებში არსებული საოჯახო ტიპის მეურნეობები საკმაოდ საინტერესოა  და ჩვენი სტრატეგიაც ამ ტიპის საოჯახო მეურნეობებზეა აწყობილი. 2022 წლის სოციალური პასუხისმგებლობის მიმართულებაც სწორედ ამას ემსახურება, რომ ამ საოჯახო მეურნეობებს მივცეთ ცოდნა, რათა მათ კიდევ უფრო ეფექტურად მართონ თავიანთი ბიზნესი და ჰქონდეთ იაფ ფულად რესურსებზე ხელშეწყობა, რომ ბიზნესი კიდევ უფრო გაზარდონ,“ - აცხადებს ირაკლი აბაშიძე.

ბანკის წარმომადგენელმა კომერსანტის ეთერში გასული წელიც შეაჯამა და განაცხადა, რომ ბევრი გამოწვევის მიუხედავად 2022 წელი „ლიბერთისთვის“ ძალიან წარმატებული იყო და ბევრი პროექტი განხორციელდა.

„2022 წელი „ლიბერთი ბანკისთვის“ ძალიან წარმატებული გამოდგა, განსაკუთრებით ბიზნეს დაკრედიტების მიმართულებით, ანუ მცირე და საშუალო ბიზნესის მიმართულებით ლიბერთის პორტფელმა გადააჭარბა მილიარდ ლარს და გახდა ერთ-ერთი ლიდერი, ანუ გადავიდა მესამე ადგილზე. თვითონ ბანკიც საბანკო სფეროშიც არის მესამე სისტემური ბანკი. საკმაოდ საინტერესო წელი გამოდგა, ბევრი გამოწვევები იყო და ბევრი საინტერესო პროექტი განვახორციელეთ, - აღნიშნა ირაკლი აბაშიძემ.  მისი თქმით,  „ლიბერთის“ გუნდს 2023 წელსაც საკმაოდ საინტერესო პროექტები აქვს ჩაფიქრებული და მომხმარებელს ახალი პროდუქტებისა და შეთავაზებების მხრივ საინტერესო წელს ჰპირდება.