Reuters-ის სააგენტოს ცნობით, ჰოლანდიური და ბრიტანული გაზის საბითუმო ფასები 25 აგვისტოს დილით, ახალ სარეკორდო დონემდე გაიზარდა იმის გამო, რომ სექტემბერში ნორვეგია აპირებს მიწოდების შეწყვეტას, საფრანგეთმა ბირთვული ენერგიის წარმოება შეამცირა და მომავალ კვირაში დაგეგმილია სარემონტო-ტექნიკური სამუშაოები, რასაც რუსული გაზის მოწოდების შეფერხება მოჰყვება.
ჰოლანდიური კონტრაქტი სექტემბრის მიწოდებაზე, რომელიც ევროპულ ნიშნულს წარმოადგენს, გაიზარდა მეგავატზესაათზე (MWh) 15.94 ევროთი 315.95 ევრომდე, მაშინ, როცა დეკემბრის ფასი იყო 30.55 ევროთი მაღალი და შეადგენდა 319.75 ევროს/მეგავატ საათში.
ბრიტანეთში დაუყოვნებლივი მიწოდების ხელშეკრულება გაიზარდა სარეკორდო მაჩენებლამდე დახლოებით 20%-ით.
„სექტემბერში ინტენსიურ სარემონტო სამუშაოები ჩატარდება ნორვეგიის კონტინენტურ შელფზე და ამასთანავე, ველოდებით შეფერხებებს ნორვეგიული გაზის გასასვლელ ტერმინალებზე“, - განაცხადა კასია პიასკოვსკამ, კომპანია Refinitiv-ის ანალიტიკოსმა.
ამასთან ერთად, „გაზპრომი“ შეწყვეტს ბუნებრივი გაზის მიწოდებას ევროპაში „ჩრდილოეთ ნაკადი 1-ის“ მილსადენით სამი დღით, 31 აგვისტოდან 2 სექტემბრამდე, რაც სირთულეს გამოიწვევს რეგიონისთვის, როცა ის ზამთრის დაწყებამდე საწვავის მარაგების შევსებას ცდილობს.
ბაზარი შეშფოთებულია, რომ გათიშვის შემდეგ გაზის ნაკადები არ განახლდება ამჟამინდელი დაბალი მაჩვენებლის 20%-იანი სიმძლავრითაც კი, აცხადებენ მოვაჭრეები.
წელს რუსული მილსადენით ევროპაში გაზის მიწოდება დაახლოებით 75%-ით შემცირდა, რაც მოსკოვზე დაწესებულმა ევროპულმა სანქციებმა გამოიწვია უკრაინაში მისი შეჭრის გამო.
„ამასობაში, მხოლოდ გადამწყვეტმა ფუნდამენტურმა მოვლენამ ან განცხადებამ შეიძლება დაარღვიოს ზრდის იმპულსი“, - დასძინეს მათ.
Gas Infrastructure Europe-ის მონაცემების მიხედვით, ევროპის გაზის საცავები სავსე იყო 78%-ით, რაც მიუახლოვდა 1 ოქტომბრისთვის ევროპის კომისიის სამიზნე 80%-ს.
საგრანგეთში EDF-ის რამდენიმე ატომური რეაქტორის გადატვირთვა გადაიდო სულ მცირე, ნოემბრის შუა რიცხვებამდე, გამორთვის გრაფიკების კორექტირებასთან დაკავშირებით, რაც გამოიწვევს 5.2 გიგავატის (GW) მიწოდების შემდგომ შეჩერებას იმ დროს, როცა ხელმისაწვდომობა ისტორიულად დაბალია.