როდესაც ადამიანები სახლებში არიან - ისინი არიან მოსახლეობა, როდესაც მიდიან სამსახურში - მცირე და საშუალო კომპანიებში, რესტორნებში, საცხობებში, კაფეებში - იურიდიული პირები ხდებიან.

ალბათ უკრაინის მთავრობისთვის საინტერესო ახალი ამბავია იქნება, რომ ზამთარში ყოველ ადამიანს სახლშიც და სამსახურშიც სითბოში ყოფნა სურს.

თუმცა, მას ეს ალბათ არ აინტერესებს, რადგანაც რიგითი ადამიანი, რომელიც სამსახურში მოდის, სხვანაირად უნდა თბებოდეს. თუ სახლში მას 1 მ/კბ გაზი 8 გრივნა უჯდება, სამსახურში - 4- ჯერ მეტი.

ამაზე უკვე მერამდენედ, „ხალხისადმი დიდი სიყვარულით“, მინისტრთა კაბინეტმა იზრუნა. ამ სიტუაციაში გაზის ეკონომიის ერთადერთ საშუალება რჩება - გაზის გათიშვა და ბიზნესის დახურვა.

მცირე და საშუალო ბიზნესისთვის ასეთ პირობებში გადარჩენა თითქმის შეუძლებელია, თუმცა, არა მხოლოდ მათთვის - ზარალის შესახებ დიდი კომპანიებიც საუბრობენ. ასე რომ, ახალი სამუშაო ადგილების შექმნის ნაცვლად, ახლო მომავალში უკრაინელ ხალხს უმუშევრობის დონის მორიგი ზრდა და ათობით ათასი სამუშაო ადგილის დაკარგვა ელის.

პოლონეთმა უკრაინელი სპეციალისტებისთვის ქვეყანაში შესვლა გაამარტივა და ეს გასაგებიციაა - ქვეყანას მალე უკრაინული მუშახელის ნაკადის მიღება მოუწევს, რადგანაც ენერგომატარებლებზე ასეთი კატასტროფული ფასების პირობებში დამსაქმებლებს თანამშრომელთა დიდი ნაწილის დათხოვნა მოუწევთ და ესეც - საუკეთესო ვარიანტია.

უარესი კი გაკოტრებას და დახურვას ნიშნავს.

შესაბამისად, უმუშევართა დიდ ნაწილს მხოლოდ ერთი არჩევანი დარჩება - ემიგრაცია. უკრაინა კი დარჩება იმდენად გაზრდილ ფასებთან ერთად, რომ უახლოეს პერიოდში ქვეყნის უმრავლესობა თითქმის ვერაფერს იყიდის. გაზი 38 გრივნად - ეს ყველა ძირითად პროდუქტზე ფასების მკვეთრ ზრდას ნიშნავს, იმიტომ, რომ წარმოების დანახარჯები მნიშვნელოვნად მოიმატებს.

პარალელურად, სახელმწიფო დამსაქმებლებისგან ხელფასების გაზრდას, ბუღალტერიის „გათეთრებას“ და ყველა გადასახადის გადახდას მოითხოვს.

პერსონალის შემცირებას თავისი ბუნებრივი ზღვარი აქვს და ეკონომია შესაძლებელია მხოლოდ არსებული რესურსების ხარჯზე. ბოლო 2 წლის მანძილზე უკრაინის მცირე და საშუალო ბიზნესმა უკვე ყველა ეს რეზერვი ამოწურა, ამიტომაც არავინ იცის, რას მოიმოქმედებს იმ დროს, როდესაც ხარჯების კატასტროფული ზრდა რეალობა გახდება.

სახელმწიფო ვალდებულია სასწრაფოდ გაათანაბროს ტარიფები მოსახლეობის და ბიზნესისთვის, წინააღმდეგ შემთხვევაში გარე საფრთხეებს კიდევ ერთი, ძალიან დიდი გამოწვევა დაემატება - მოსახლეობის მოთმინების ფიალა ბოლომდე აივსება.

მთავრობა, რომელიც ცხოვრობს სითბოში და კომფორტში, უნდა დაფიქრდეს, რას აკეთებს და მოსახლეობას გადარჩენის შესაძლებლობა უნდა დაუტოვოს.

წინააღმდეგ შემთხვევაში სოციალური აფეთქება გარდაუვალია.