„ჩრდილოეთის ნაკადის“ გაზსადენზე აფეთქების შემდეგ ევროპა რუსეთიდან ბუნებრივი აირის ძირითად ნაწილს უკრაინის გავლით იღებს. 2022 წლის ნოემბერში BBC წერდა, რომ რუსული კომპანია „გაზპრომი“ უკრაინის გავლით ბუნებრივი აირის ტრანზიტის შემცირებით იმუქრებოდა.
დღეს კი რუსული მედია ავრცელებს ინფორმაციას იმის შესახებ, რომ უკრაინის გავლით „გაზპრომის“ ტრანზიტის მოთხოვნა მაქსიმალურ ნიშნულამდე გაიზარდა. უკრაინის გაზის ტრანსპორტირების ოპერატორი იტყობინება, რომ მან გაზპრომისგან ოთხშაბათს 35,8 მლნ კუბური მეტრის ტრანზიტზე მიიღო განაცხადა.
უკრაინის გაზის ტრანსპორტირების ოპერატორმა, სოხრანივკას გავლით ტრანზიტისთვის გაზის მიღების გამო, ფორსმაჟორული მდგომარეობა გამოაცხადა და განმარტა, რომ მას ნოვოპსკოვის საკომპრესორო სადგურზე ოპერაციული და ტექნოლოგიური კონტროლი არ შეეძლო, რადგან მარშრუტი სოხრანივკას გავლით დღე-ღამეში 30 მილიონ კუბურ მეტრი გაზის ტრანზიტს უზურნველყოფდა .
„გაზპრომში“ მიაჩნიათ, რომ პანიკის საფუძველი არ არსებობს.
„გაზპრომის“ წარმომადგენელმა სერგეი კუპრიანოვმა დაადასტურა, რომ რუსული გაზი უკრაინის ტერიტორიაზე ტრანზიტისთვის მიეწოდება უკრაინული მხარის მიერ დადასტურებული ოდენობით - 35,3 მილიონი კუბური მეტრი.
ევროპის გაზის ინფრასტრუქტურის (GIE) მონაცემებით, ევროპაში გაზის მარაგების ამჟამინდელი დონე 65,66%-მდე შემცირდა - ეს ბოლო 5 წლის განმავლობაში 20%-ით ნაკლები მაჩვენებელია.