აღმოსავლეთ ევროპის ეკონომიკური ურთიერთობების გერმანიის კომიტეტის დელეგაცია Gebrüder Weiss-ის თბილისის ფილიალს 5 ოქტომბერს ეწვია. მაღალი დონის გერმანული ბიზნესის წარმომადგენლები ეწვივნენ Gebrüder Weiss Georgia-ს პერსპექტივებისა და სამომავლო გეგმების გასაცნობად.
მათ მოინახულეს 13 000 კვადრატული მეტრამდე ფართობის ლოგისტიკური ჰაბი, სადაც საშუალება ჰქონდათ დაკვირვებოდნენ უშუალოდ სამუშაო პროცესს, როგორ ამზადებდა კომპანიის 100-ზე მეტი თანამშრომელი სხვადასხვა სახის პროდუქციის და სხვადასხვა ინდუსტრიის შეკვეთას სარკინიგზო, საზღვაო, საჰაერო და საგზაო ტრანსპორტირებისთვის.
„თბილისის, როგორც ტვირთბრუნვის ჰაბის, ხელსაყრელი გეოგრაფიული მდებარეობა ახალი აბრეშუმის გზის ტრანსკასპიური დერეფნის მონაკვეთზე, აქცევს მას იდეალურ ადგილად დიდი მოცულობის ლოგისტიკური საქმიანობისთვის, რომელიც ერთმანეთთან დააკავშირებს როგორც დასავლეთ და სამხრეთ-აღმოსავლეთ ევროპას, ისე თურქეთს, საქართველოსა და ცენტრალურ აზიას“, — განაცხადა Gebrüder Weiss-ის საქართველოს გენერალურმა დირექტორმა, ალექსანდრე ხარლამოვმა.
ათი წლის წინ ბაზარზე შემოსვლიდან დღემდე Gebrüder Weiss-მა თბილისის საერთაშორისო აეროპორტის მახლობლად მდებარე ლოგისტიკური ლოკაცია გადააქცია საერთაშორისო და ეროვნული სახმელეთო ტრანსპორტის საქმიანობის ძირითად ჰაბად კავკასიის რეგიონში, ევროპასა და ცენტრალურ აზიას შორის.