გერმანიის ეკონომიკა მომავალ წელს რეცესიის თავიდან აცილებას ვერ შეძლებს. მაგრამ ეს არ ნიშნავს იმას, რომ ქვეყანა ღრმა ფინანსურ კრიზისში ჩავარდება.
ამის შესახებ გერმანიის უმსხვილესი ფინანსური ინსტიტუტის - Deutsche Bank-ის ხელმძღვანელმა კრისტიან სევინგმა ვაშინგტონში საერთაშორისო სავალუტო ფონდისა და მსოფლიო ბანკის ყოველწლიური შეხვედრის ფარგლებში განაცხადა.
ჩვენ ვერ ავიცილებთ თავიდან რეცესიას 2023 წელს. თუმცა, რეცესია არ ნიშნავს დეპრესიას. მთავარია, გერმანია რაც შეიძლება სწრაფად გამოვიდეს ამ რეცესიიდან, - განაცხადა მან.
რამდენად სერიოზული იქნება ეკონომიკური ვარდნა, ზევინგის თქმით, ასევე დამოკიდებული იქნება იმაზე, თუ როგორ იმუშავებს დახმარების პაკეტები. გერმანიას, მისი აზრით, აქვს ძლიერი ეკონომიკა მყარი საშუალო ზომის კომპანიებით. მაგრამ მომდევნო თორმეტ თვეში გაკოტრების რიცხვი საგრძნობლად გაიზრდება. „რეცესიის პირობებში ეს ასეა“, - განაცხადა Deutsche Bank-ის ხელმძღვანელმა.
”მე არ ვფიქრობ, რომ ფინანსური კრიზისის ნიშნები გვაქვს”, - განაგრძო ზევინგმა. გერმანიის და ევროპული ბანკების სანდოობა აბსოლუტურია. მაგრამ ახლა, პირველ რიგში, მნიშვნელოვანია ინფლაციის კონტროლის ქვეშ მოქცევა. ამიტომ, ასევე სწორია, რომ ცენტრალური ბანკები ამჟამად ზრდის საპროცენტო განაკვეთებს, - შეაჯამა ეკონომისტმა. „ინფლაცია, ბოლოს და ბოლოს, მომხმარებლისთვის შხამია“, - დაასკვნა გერმანული ფინანსური ინსტიტუტის ხელმძღვანელმა.