გერმანია მომავალ ზამთრამდე გაზსაცავებში მარაგებს 100%-ით შეავსებს, მიუხედავად იმისა, რუსეთიდან მიწოდება სრულიად შეწყდება, თუ არა. ამის შესახებ Initiative Energien Speichern-ის (Ines) ექსპერტები იტყობინებიან.
ანალიტიკოსების აზრით, გერმანიის საცავები 2023-2024 წლის ზამთრისთვის 100%-ით შეიძლება იყოს სავსე, მიუხედავად რუსეთიდან მიწოდების ნაკლებობისა და თხევადი ბუნებრივი აირის იმპორტის შემცირებისა.
მიმდინარე ზამთარში გაზის დეფიციტი უკვე აღმოფხვრილია: უკიდურესად დაბალ ტემპერატურაზეც კი გერმანიის მოქალაქეებს საკმარისი დაგროვილი მოცულობები ექნებათ. ამ წარმატების მიზეზი, Ines-ის ექსპერტების აზრით, მომხმარებლების მიერ გაზის ეკონომიური გამოყენებაა.
ექსპერტებს მიაჩნიათ, რომ იანვარსა და თებერვალში გერმანიის საცავებში გაზის მოცულობა კვლავ შემცირდება, მაგრამ აპრილიდან ოპერატორები ავზების ხელახლა შევსებას შეძლებენ. უკვე 1-ელი ნოემბრისთვის გაზსაცავებში მარაგები 95%-ით იქნება სავსე.
Ines არის გაზისა და წყალბადის შენახვის ოპერატორების ასოციაცია. ინიციატივას ახლა ჰყავს 14 წევრი, რომლებიც წარმოადგენენ გერმანიის გაზის საცავის სიმძლავრის 90%-ზე მეტს.