გერმანიის ხელისუფლება „გაზპრომის“ აქტივების კერძო მყიდველს ეძებს და მათ მხარდაჭერის სახით KfW IPEX-Bank-ისგან სახელმწიფო სესხს სთავაზობს. ინფორმაციას Bloomberg-ი, წყაროებზე დაყრდნობით ავრცელებს.
როგორც ცნობილია, 1-ელ აპრილს „გაზპრომმა“ გამოაცხადა, რომ ჯგუფ „Gazprom Germania“-სა და მისი ყველა აქტივის კონტროლს წყვეტს. მათ შორის არის სადისტრიბუციო WINGAS/WIEE, შენახვის ოპერატორი astora, ასევე, ჯგუფ Gazprom Marketing & Trading-ში შემავალი საცალო ოპერატორი Gazprom Marketing & Trading Retail, რომელიც Gazprom Energy-ს ბრენდია და LNG-ის გლობალური მოვაჭრე Gazprom Global LNG.
2019 წელს Gazprom Germania-ს კონსოლიდირებულმა ბრუნვამ 24 მლრდ ევრო, 2020 წელს კი 13 მლრდ ევრო შეადგინა.
Bloomberg წყარო, ასევე, აღნიშნავს, რომ გერმანია არ გამორიცხავს Gazprom Germania-ს ნაწილების ნაციონალიზაციას, როგორც უკიდურეს საშუალებას, თუმცა ბერლინს სხვა გამოსავლის პოვნა სურს.
Bloomberg წერს, რომ გერმანიამ Gazprom Germania-ს გადარჩენის პროცესში „არაერთმნიშვნელოვან პროგრესს მიაღწია, თუმცა მთავრობას სურს, ჯგუფის აქტივების ნაციონალიზაცია ან თუნდაც ექსპროპრიაციის თავიდან აცილება. ოფიციალური პირები კომპანია Gazprom Germania-ს შესაძლო გათიშვის ეკონომიკურ გავლენას კვლავ სწავლობენ და საბოლოო გადაწყვეტილება ჯერ მიღებული არ არის.
სააგენტოს შეფასებით, აქტივებისთვის მყიდველის პოვნა ადვილი არ იქნება, რადგან კომპანიების ბიზნესი ერთმანეთთან მჭიდროდ არის დაკავშირებული. მაგალითად, Gazprom Marketing & Trading კომპანია Wingas-ისა და Gazprom Energy-სთვის ჰეჯირებასა და მიწოდებას ეწევა, ხოლო ამ კავშირების გარეშე მომხმარებლები იძულებული იქნებიან, რესურსები გაცილებით მაღალ ფასებში შეიძინონ.
გერმანია
