გერმანიის 4 ფედერალურ მხარეში კორონავირუსის საწინააღმდეგო ვადაგასული 17 მილიონი სამედიცინო ნიღაბი დაწვეს. ამის შესახებ Welt-ი იტყობინება.

როგორც გამოცემა წერს, ოდესღაც ამ ნიღბების შეძენაზე აჟიოტაჟი და პანიკა იყო, ახლა კი ამისთვის გამოყოფილი  ასობით მილიონი “ნაცრად იქცა“ და ატმოსფერო დააბინძურა.

ბადენ-ვიურტემბერგში 6.1 მილიონი ნიღაბი დაწვეს, საქსონიაში 5.5 მილიონი,  ჩრდილოეთი რაინ-ვესტფალიაში 5 მილიონი, მეკლენბურგ-წინა პომერანიაში  656 ათასი.

11 ფედერალურმა მიწამ განაცხადა, რომ მათ ჯერ კიდევ არ მოუხდენიათ ნიღბების უტილიზაცია, თუმცა ზოგიერთი ამას უკვე გეგმავს. თიურინგიამ  გადამუშავების ტიპთან დაკავშირებით მედიისთვის ინფორმაციის მიწოდება ვერ შეძლო.

როგორც გამოცემა წერს, ჯანდაცვის ფედერალური სამინისტრო ბერლინში ბოლო თვეების განმავლობაში ასევე ენერგიულად „ანადგურებს ნიღბებს“.

გადამუშავებული ნიღბების რაოდენობა ამ დროისთვის ერთ მილიონზე ნაკლებია, მაშინ როდესაც ჯამში 17 მილიონამდე ნიღაბია დამწვარი.

ნიღბები, რომლებიც ახლა გაანადგურეს, პანდემიის პიკზეა შეძენილი და ვადა გაუვიდა. რამდენიმე  სამინისტროს მეტი ნიღბის განადგურება სურს. თუმცა ამ დროისთვის მათ მხოლოდ მათ მიერვე შეძენილი ნიღბების დაწვა შეუძლიათ. იმ ნიღბების გასანადგურებლად, რომლებიც ფედერალური მხარეების მიერ იქნა შეძენილი  და  განაწილებული, საჭიროა ფედერალური მთავრობების თანხმობა.