Dossier Center-მა გერმანულ გამოცემებთან Süddeutsche Zeitung-თან, NDR-თან და WDR-თან ერთად წლის ყველაზე გახმაურებული ჯაშუშური სასამართლო პროცესის დეტალები გაარკვია. გერმანიაში რუსეთის ჯაშუშები დააკავეს. ერთ-ერთი მათგანი გერმანელი ბიზნესმენი არტურ ელერი რამდენჯერმე თბილისშიც იმყოფებოდა.
გერმანელმა გამომძიებლებმა დაადგინეს, რომ კარსტენ ლინკემ და არტურ ელერმა ერთმანეთი 2021 წელს ბავარიაში ფეხბურთის ფესტივალზე გაიცნეს. შემდეგ ლინკემ გაამჟღავნა, რომ ის საგარეო დაზვერვაში მუშაობდა, ხოლო ელერმა კი უთხრა, რომ მას რუსეთის სპეცსამსახურში ჰყავდა ნაცნობები.
ელერი ბევრს მოგზაურობდა და რამდენჯერმე თბილისშიც იმყოფებოდა. საერთო ჯამში, მონაცემთა ბაზა შეიცავს ასზე მეტ რეისს ნიუ-იორკში, ლოს-ანჯელესში, დუბაიში, ბაქოში, ბელგრადში, თბილისში, პრაღაში, დოჰაში, შანხაიში, ჟენევაში, ციურიხში, ასევე რუსეთის ქალაქებში.
2023 წლის 21 იანვარს მაიამიდან მიუნხენის მიმართულებით ფრენა გერმანიის მოქალაქე, - არტურ ელერისთვის ბოლო იყო. გერმანიის აეროპორტში ჩასვლისთანავე ის პოლიციის თანამშრომლებმა დააკავეს. გენერალური პროკურატურის ინფორმაციით, ის საფეხბურთო მწვრთნელ კარსტენ ლინკეს რუსული სპეცსამსახურებისთვის საიდუმლო დოკუმენტების მიყიდვაში დაეხმარა.
კარსტენ ლინკე კი ბავარიის ქალაქ ვაილჰაიმში დააკავეს. ის გარკვეული ინფორმაციის სანაცვლოდ რუსეთის უშიშროების სამსახურისგან ასობით ათას ევროს იღებდა.
გერმანელი გამომძიებლების აზრით, ლინკესა და ელერის საქმე მხოლოდ აისბერგის წვერია და გერმანიაში რუსეთის სასარგებლოდ გაცილებით მეტი ჯაშუში მუშაობს.
ჯაშუშები
