გერმანულმა სატრანსპორტო კომპანია Cargo Truck Direct-მა (CTD) თავისი თანამშრომლისთვის ოთხდღიანი სამუშაო კვირა შემოიღო.
როგორც გერმანული მედია წერს, Cargo Truck Direct-ის ხელმძღვანელობამ ექსპერიმენტის ჩაეტარებინა გადაწყვიტა, რომლის მიზანიც კომპანიაში პროდუქტიულობის ზრდა, ავადმყოფობის დღეების შემცირება და იმის შეფასება იყო, შეიძლება თუ არა მუშაობის ეს სისტემა მთელ გერმანიაში დაინერგოს.
„ჩვენ გვინდა დავუბრუნოთ თანამშრომლებს, რაც მათ აქვთ ცხოვრებაში ყველაზე მნიშვნელოვანი - დრო“, - განაცხადა Cargo Truck Direct-ის დამფუძნებელმა და მმართველმა დირექტორმა ანდრეას ჰონკემ.
8 კვირიან საცდელ პერიოდში კვირაში სამუშაო საათების რაოდენობა 45-დან 40-მდე შემცირდა, თანამშრომელთა ყოველთვიური ხელფასი კი იგივე დარჩა. ამასთან, ცვლილებები ისე იყო დაგეგმილი, რომ კომპანიის მომხმარებელს ცვლილებები არ შეემჩნიათ. CTD ხაზს უსვამს, რომ ეს ეტაპი მოითხოვს ძალიან ფრთხილად დაგეგმვას.
„ეს იყო გამოწვევა, მაგრამ რადგან ჩვენ ვართ ცნობილი ინოვაციებით, ვართ პირველები, ვინც ამ გზას ვადგავართ და კმაყოფილი ვართ ჩვენი დაგეგმვის შედეგით. ტესტირების ფაზის შემდეგ ოთხდღიანი სამუშაო კვირის გაგრძელება დამოკიდებულია პერსონალის კმაყოფილებაზე. ეს მნიშვნელოვან როლს ითამაშებს ჩვენს გადაწყვეტილებაში. პირველი კვირების შემდეგ რეაქცია კარგია. მე ნამდვილად მომეწონა პირველი კვირა“, - აღნიშნა Cargo Truck Direct-ის აღმასრულებელმა დირექტორმა მუჰამეტ ალტინდასმა.
ექსპერიმენტს დადებითად ეხმაურებიან კომპანიის თანამშრომლებიც.
„იდეა ძალიან კარგია. ახლა მეტი დრო მაქვს ჩემი ჰობისთვის, აქ კი სამსახურში მეტი ენერგია მაქვს და შემიძლია უკეთესად გავამახვილო ყურადღება ჩემს ამოცანებზე“, - განაცხადა კომპანიის ადმინისტრატორმა