ბრენდად ქცეული სახელი ესთეტიკური მედიცინის ინდუსტრიაში და მრავალწლიანი ისტორია, რომელიც გია გვარამიამ შექმნა. პლასტიკური ქირურგი, რომელმაც საქართველოში ესთეტიკური მედიცინის პირველი ცენტრი დააარსა, „კომერსანტის“ კითხვებს პასუხობს.

რას ნიშნავს  პლასტიკური ქირურგისთვის იყო ყველაზე მოთხოვნადი და რამდენად მნიშვნელოვანია ის ნდობა, რომელსაც არა მარტო ქართველები, არამედ უცხოელებიც უცხადებენ, „გია გვარამიას ესთეტიკური მედიცინის ცენტრის ხელმძღვანელი და მთავარი ექიმი გია გავარამია გვპასუხობს, რომ ამ დამოკიდებულებით კმაყოფილია, თუმცა მისთვის მეტად მნიშვნელოვანია საკუთარი სფეროს განვითარება და აქ დასაქმებული ხალხი.

მიუხედავად იმისა, რომ მედიცინა მსოფლიოს ბევრ ქვეყანაში, უმაღლეს დონეზეა განვითარებული და ყოველწლიურად ქვეყნებს ამ მიზნით ათასობით ტურისტი სტუმრობს, „კომერსანტი“ დაინტერესდა  სხვა ქვეყნებთან შედარებით ვართ თუ არა კონკურენტუნარიანები.

„პირადად ჩემს სფეროზე, რომ ვისაუბრო, სხვა ქვეყნებთან შედარებით კონკურენტუნარიანები  იმ ხარისხისა და დაბალი ფასის გამო ვართ, რომელიც გვაქვს.  აქ ყველა ოპერაცია, ძალიან მაღალი ხარისხით კეთდება, როგორც ეს საზღვარგარეთის შემთხვევაშია. საქართველოში ფასი  გაცილებით დაბალია თან, ვმუშაობთ ზუსტად იმ მასალით რა მასალითაც მუშაობენ საზღვარგარეთ. ღირებულება კი უცხოეთთან შედარებით, ზოგჯერ ნახევარია ზოგჯერ მესამედი. როგორც უცხოელების ასევე ადგილობრივების შემთხვევაში, გვყავს საშუალო და მაღალშემოსავლიანი პაციენტები. თუმცა არის ოპერაციები, მაგალითად სახე, თვალები და მსგავსი სირთულის, რომელსაც მხოლოდ მაღალშემოსავლიანები იკეთებენ, “-ამბობს გია გვარამია.

ესთეტიკური მედიცინის ცენტრის ხელმძღვანელი ყველა იმ უცხოელ პაციენტს, რომელიც წლების განმავლობაში საკუთარი ინიციატივით სტუმრობენ ქვეყანას და მათ ცენტრს, ხარისხის გარანტად მიიჩნევს. გვარამია იმასაც  აცხადებს, რომ თუ რომელიმე კომპანია ქვეყანაში   სამედიცინო ტურისტებს მოიზიდავს ის მზადაა მათთან თანამშრომლობისთვის.

 „ის პაციენტები, რომლებიც უცხოეთიდან გვსტუმრობენ ჩვენ არ ჩამოგვყავს, ახლობლების რეკომენდაციით ჩამოდიან. ჩვენი კლინიკა მათ ჩამოყვანას და ოპერაციის შემდგომ პერიოდს არ უზრუნველყოფს. ძალიან ბევრი ტურისტული კომპანია გვიკავშირდებოდა და ცდილობდა ამ მიმართულებით ემუშავათ, თუმცა ვერ მიდიოდნენ ბოლომდე რადგან ბევრი ნიუანსია გასათვალისწინებელი, მათ შორის, პაციენტის ჩამოყვანა და ოპერაცია, ასევე პოსტოპერაციული პერიოდიც, რომელიც თანხებს უკავშირდება.  თუ მსგავსი კომპანია დამიკავშირდება და ნამდვილად  ბოლომდე მიიყვანს დაწყებულ საქმეს მე მათთან თანამშრომლობისთვის მზად ვარ, რადგან ვფიქრობ, ქვეყანაში სამედიცინო ტურიზმი უნდა განვითარდეს. ამ მიმართულებით სტომატოლოგიის საქმე უკეთესადაა. უფრო აქტიურადაც არიან ჩართულები და სტომატოლოგიას არ სჭირდება სარეაბილიტაციო პერიოდი.“-ამბობს გია გვარამია.

ტაილანდი, ეგვიპტე, თურქეთი, ისრაელი სამედიცინო ტურიზმი უმაღლეს დონეზეა განვითარებული და ყოველწლიურად ქვეყნებს ამ მიზნით ათასობით ტურისტი სტუმრობს. ტურიზმის ამ საინტერესო მხარეს, გვარამიას თქმით საქართველოშიც აქვს პერსპექტივა.

„სამედიცინო ტურიზმი ბევრ ქვეყანაში განვითარებული და მომგებიანია. განსაკუთრებით იმ კომპანიებისთვის, რომლებიც თავის თავზე იღებენ ამ პროფილის ტურისტების შემოყვანას. ეს სფერო რომ განვითარდეს და მომგებიანიც იყოს აუცილებელია შუამავალი რგოლი, რომელიც  კლინიკასა და პაციენტს გვაკავშირებს,  კარგად მუშაობდეს. ჩვენი ქვეყანა სხვა მხრივ მზადაა, თორემ ჩვენ რომ უხარისხოდ ვმუშაობდეთ ადგილობრივ ბაზარზეც არ გვექნებოდა მოთხოვნა და პაციენტი არ გვეყოლებოდა. მე და ჩემს მსგავს კლინიკებს ისედაც გვყავს საკმაო რაოდენობის პაციენტები, თუცა აუცილებლად ვითანამშრომლებთ იმ სააგენტოებთან, ვინც ორგანიზებას გაუწევს ამ საკითხს.“-ამბობს გვარამია.

გია გვარამიას ესთეტიკური მედიცინის ცენტრის ხელმძღვანელი და მთავარი ექიმი სამედიცინო ტურიზმს, როგორც მომგებიან ბიზნესს განიხილავს და ამბობს, რომ ქვეყანაში სამედიცინო ტურიზმის განვითარება ოპერაციების ფასს არ გაზრდის.

საქართველოს სამედიცინო ტურიზმის საბჭოს კი უჩევს საერთაშორისო გამოცდილება გაითვალისწინოს და დაწყებული საქმე აუცილებლად ბოლომდე მიიყვანოს. მიუხედავად იმისა, რომ მათი წამოწყება დიდ შრომას მოითხოვს შედეგი აუცილებლად მათთვის სასარგებლო იქნება, თუ რა თქმა უნდა სხვებივით შუა გზაში არ გაჩერდებიან.

შეგახსენებთ, რომ 2019 წლის მაისში ქვეყანაში  საქართველოს სამედიცინო ტურიზმის საბჭო  (Georgian Medical Tourism Council) შეიქმნა . პროექტი მიზნად   საქართველოში სამედიცინო ტურიზმის ინდუსტრიის განვითარებისა და პოპულარიზაციის ხელშეწყობას ისახავს.

ნათია ლომიძე