მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.
Twitter ევროკომისიის ვიცე-პრეზიდენტი მიესალმა EBRD-ს გადაწყვეტილებას რუსეთსა და ბელარუსში მუშაობის შეწყვეტასა და პროექტების შეჩერებასთან დაკავშირებით.
უკრაინის პრემიერ-მინისტრი მიესალმება ევროკომისიის გადაწყვეტილებას, რუსეთისთვის სანქციების მეხუთე პაკეტის დაწესებასთან დაკავშირებით. მადლობას უხდის ევროკომისიას და სთხოვს პარტნიორებს ,რომ ამ მიმართულებით არ გაჩერდნენ.
პრეზიდენტი ბაიდენი წერს, რომ ობამას თეთრ სახლში უმასპინძლა. ასევე აღნიშნავს, რომ ზრუნვის აქტის ფარგლებში, საშუალო ამერიკული ოჯახი წელიწადში $2400–ს ზოგავს .
WSJ წერს, რომ პუტინის ორი ქალიშვილისთვის, ევროკავშირი ამზადებს სანქციებს, რომელიც უშუალოდ მათ შეეხებათ.
რუსეთის ფინანსთა სამინისტრო: გაზიდან და ნავთობიდან რუსეთმა მოსალოდნელზე $3.6 მლრდ–ით ნაკლები მიიღო.
ბიზნეს ინსაიდერი
რუსეთის მსხვილი სახელმწიფო კომპანიები დეფოლტის ზღვარზე არიან, განსაკუთრებით აშშ-ს მიერ დაწესებული სანქციების შემდგომ. მათ შორის რთულ მდგომარეობაშია საბანკო სფეროს სიდიდით მეორე VTB , რუსეთის სახელმწიფო რკინიგზა და სხვა რუსული კომპანიები. როგორც ჩანს, ამ ეტაპისთვის ისინი კრიზისიდან გამოსავალს ვერ პოულობენ.
აშშ-მა დაბლოკა რუსეთი და ის ვერ იყენებს ბონდების გადახდისთვის ამერიკული ბანკების ანგარიშებს, რაც ბიზნეს ინსაიდერის თანახმად, ნიშნავს, რომ რუსეთი კვლავ უბრუნდება დეფოლტის ზღვარს.
დონალდ ტრამპის პერსონალური ქონება $600 მლნ–ით გაიზარდა მას შემდეგ, რაც თეთრი სახლი დატოვა. აღსანიშნავია, რომ თეთრ სახლში ყოფნის პერიოდში, პირიქით – მნიშვნელოვნად შემცირდა ტრამპის პერსონალური ქონება.
პუტინი დასავლეთს სასურსათო კრიზისით ემუქრება. ის ასევე აღნიშნავს, რომ რუსეთი მხოლოდ მეგობარ ქვეყნებში განახორციელებს შესაბამის ექსპორტს. ასევე პუტინი საუბრობს, რომ ამ პროცესს მოჰყვება მიგრაცია. მანამდე რუსეთის ოფიციალური პირები ამბობდნენ, რომ ეს იქნებოდა ძლიერი იარაღი სანქციებზე საპასუხოდ.
რუსული გემები (ამ ეტაპზე საუბარია 18 გემზე) რუსულ დროშას ცვლიან და მარშალის კუნძულების დროშით რეგისტრირდებიან ამ გზით ცდილობენ,რომ თავი აარიდონ სანქციებს და მათი აზრით ეს ახალი ტაქტიკა ხელს შეუწყობს რუსეთთან კავშირებს.
აშშ-ის ხაზინის მდივანი პირველ დიდ მოხსენებას გააკეთებს კრიპტოვალუტასთან დაკავშირებით, რომელსაც ყოვლისმომცველ მოხსენებასაც უწოდებს. იგულისხმება ანალიზი, რომელიც შეეხება კრიპტოვალუტის დადებით და უარყოფით მხარეებს.
FT
უკრაინაში კონფლიქტი რუსეთის დემოგრაფიულ კრიზისს აღრმავებს. ეს ყველაფერი აჩქარებს რუსეთის სამუშაო ძალის გაქცევას ქვეყნიდან, რომელსაც ემატება დაბალი შობადობის მაჩვენებელი და პანდემიის დროს გაზრდილი სიკვდილიანობა.
აშშ რუსეთისთვის ახალ სანქციებს აანონსებს, რომელიც ასევე მოიცავს აკრძალვებს ახალ ინვესტიციებზე, განსაკუთრებით ენერგოსექტორში .
აბრამოვიჩი, როგორც მილიარდერი არსაიდან. მანამდე საერთაშორისო პრესა და ანალიტიკოსები წერდნენ, რომ მან დიპლომატიასა და მოლაპარაკებებში ჩართვა მხოლოდ ქონების გადარჩენის გამო გადაწყვიტა.
ბრიუსელი ამზადებს აკრძალვებს რუსეთიდან ქვანახშირის იმპორტსა და ცალკეულ სატრანსპორტო საშუალებებზე. აღსანიშნავია, რომ რუსული ქვანახშირის ყველაზე დიდი მომხმარებლები ევროპაში გერმანია, პოლონეთი, ესპანეთი და ნიდერლანდები არიან.