მედიაჰოლდინგ „კომერსანტის“ მმართველმა პარტნიორმა გიორგი აბაშიშვილმა რადიო „კომერსანტზე“ ახალი რუბრიკა შექმნა – „ბიზნეს ინსაიდერის ბრიფინგი“, რომელიც ყოველ სამუშაო დღეს კომერსანტის დილის ეთერში 10:05 საათზე გადაიცემა და მსოფლიო ეკონომიკის მნიშვნელოვან ამბებს მოგვითხრობს.

Financial Times წერს ბაიდენის ე.წ. მილიარდერების გადასახადის საკითხზე, განიხილავს მას, როგორც დაუფიქრებელს და აღნიშნავს, რომ თეთრმა სახლმა უნდა იფიქროს უფრო ყოვლისმომცველ საგადასახადო რეფორმაზე, იყოს უფრო ამბიციური, ვიდრე გამოიყენოს ხრიკები. შემოსავლების უთანასწორობის გადანაწილების საკითხებზე მომუშავე ცნობილი ფრანგი ეკონომისტი ტომას პიკეტი ნიუ–იორკ თაიმსთან ინტერვიუში აღნიშნავს, რომ ბაიდენის ეს ინიციატივა „უკეთესია, ვიდრე არაფერი“.

ვიქტორ ვექსელბერგს 90 მილიონიანი იახტა ჩამოართვა ესპანეთმა აშშ–ის მოთხოვნის შემდგომ

გამოცემა Insider აღნიშნავს, რომ რუს ოლიგარქებს ამ დრომდე დაახლოებით ორი მილიარდი დოლარის ღირებულების იახტები ჩამოართვეს ევროპაში. ცალკეული იახტების ფასი 8–დან 606 მილიონ დოლარამდე მერყეობს.

გერმანიის ფინანსთა მინისტრმა განაცხადა, რომ რუსეთზე ენერგოდამოუკიდებლობის შესამცირებლად ახალი სანქციები მოამზადეს. ის ფიქრობს, რომ უნდა გააძლიერონ ზეწოლა პუტინზე, ისე რომ თავად არ დაზარალდნენ და მნიშვნელოვანია, რომ რაც შეიძლება სწრაფად შეამცირონ რუსეთზე ენერგოდამოკიდებულება.

ევროპის ცენტრალური ბანკის პრეზიდენტი კრისტინ ლაგარდი აცხადებს, რომ რუსეთ-უკრაინის ომის ევროზონის ეკონომიკაზე გავლენის შესახებ იმსჯელეს ლუქსემბურგში. ამავე დროს განიხილეს ციფრული ევროს დიზაინი.

გერმანიის ფედერალურმა ენერგო მარეგულირებელმა, როგორც „დროებითმა რწმუნებულმა“, აიღო კონტროლი „გაზპრომ გერმანიაზე“. გერმანიის ეკონომიკის მინისტრმა განაცხადა, რომ „გაზპრომ გერმანია“ ფლობს კრიტიკულ ინფრასტრუქტურას გერმანიაში და მნიშვნელოვანი გავლენა აქვს გაზის მიწოდებაზე.
იპონია კრძალავს მაღალი კლასის მანქანების და სხვა მდიდრული პროდუქციის ექსპორტს რუსეთში.

Insider ასევე წერს ნავთობის ფასის სწრაფ ზრდაზე და აცხადებს, რომ ორშაბათიდან საუდის არაბეთმა გაზარდა ფასი გადაზიდვებზე აზიის მიმართულებით. აღნიშნულია, რომ ესეც ომის შედეგებია.

JP Morgan–ის CEO ჯეიმი დაიმონი გამოდის მოწოდებით, რომ მიუხედავად ფეთქებადსაშიში ვითარებისა, რუსეთის წინააღმდეგ მეტი სანქციები უნდა დაწესდეს. ის ასევე აღნიშნავს, რომ ეს ომი შეამცირებს გლობალურ ეკონომიკას.

ჰილარი კლინტონის განცხადება: საჭიროა მეტი ზეწოლა და წნეხი პუტინზე და რუსეთზე. თუ პუტინი შეეცდება დიდი ოცეულის სამიტზე დასწრებას, საჭიროა მისთვის ბოიკოტის გამოცხადება.

მსოფლიო საფინანსო ბაზრიდან გარიყვის შემდეგ სბერბანკმა დააანონსა კრიპტოვალუტა - სბერკოინი. აშშ და პარტნიორები ფიქრობენ, რომ რუსეთი გვერდს აუვლის სანქციებს ამით.

მართე ბიზნესი ომის ზონიდან – ციფრული სტარტაპი ომის დაწყების დღიდან მუშაობს უკრაინაში და ცდილობს ხელი შეუწყოს უკრაინის ეკონომიკის წინსვლას. ისინი სხვა უკრაინულ კომპანიებს მოუწოდებენ, რომ ყველაფერი გააკეთონ საქმიანობის გასაგრძელებლად.

Twit

EBRD–ის მმართველმა საბჭომ რუსეთი და ბელარუსი ამორიცხა იმ ქვეყნებიდან, რომლებიც მიიღებენ დაფინანსებას და შეაჩერა საქმიანობა ამ ქვეყნებში.

აზიის განვითარების ბანკი აღნიშნავს, რომ ის არის საქართველოს უმსხვილესი განმავითარებელი პარტნიორი 1.7 მილიარდი დოლარზე მეტი აქტიური პორტფელით და მზად არის გააფართოოს ქვეყნის დახმარება პოსტპანდემიურ პერიოდში.