პრეზიდენტის სასახლეში ეროვნული ბანკის მმართველი საბჭოს წევრობის კანდიდატებთან გასაუბრებები დაიწყო, თუმცა ორბელიანის სასახლეში არ გამოჩენილა ფინანსთა მინისტრი ლაშა ხუციშვილი.
ტელეკომპანია „პირველის" ინფორმაციით, ლაშა ხუციშვილი იმ რვა კანდიდატს შორის ვერ მოხვდა, რომელიც გრძელი სიიდან პრეზიდენტმა ზურაბიშვილმა შეარჩია, არადა ქართული ოცნების გეგმის მიხედვით, ხუციშვილი ჯერ საბჭოს წევრი უნდა გამხდარიყო, შემდეგ კი ეროვნული ბანკის პრეზიდენტი.
კანდიდატებს შორისაა ეროვნული ბანკის ყოფილი პრეზიდენტის მრჩეველი გიორგი ბაქრაძეც. მისი თქმით, ის ყველა კრიტერიუმს აკმაყოფილებს.
„კითხვა იყო რას ვფიქრობ გარკვეულ ეკონომიკურ საკითხებზე. ეროვნული ბანკის პოლიტიკაზე და ა.შ. რამდენად ვიმსახურებ არ ვიცი, ეს ჩემი გადასაწყვეტი არ არის. თუ ვიმსახურებ, ალბათ გავხდები. ჩემი აზრით, შეიძლება. საბჭოს წევრობას ვაკმაყოფილებ. მაქვს როგორც პრაქტიკული, ისე თეორიული გამოცდილება. იმ კრიტერიუმებს რასაც კანონი მოითხოვს, რა თქმა უნდა ვაკმაყოფილებ"- განაცხადა გიორგი ბაქრაძემ.
ლაშა ხუციშვილი
