“დღეს Gita ძალიან აქტიურია და საგრანტო პროგრამების ნაწილი ძალიან კარგად მუშაობს და ეს დიდი სტიმულია, თუმცა დღეს Gita-ს საგრანტო პროგრამების პარალელურად ქვეყანაში უნდა არსებობდნენ, ე,წ. „ანგელოზი ინვესტორები“, - ამის შესახებ რადიო “კომერსანტის“ ეთერში, ლევან კობერიძის საავტორო გადაცემაში “ბრენდი საქართველო“ ინოვაციების საინვესტიციო ფონდის მმართველმა პარტნიორმა დიმიტრი ქუმსიშვილმა ისაუბრა. მისი თქმით, “ანგელოზი ინვესტორები“ არიან ინვესტორები, რომლებსაც ძალიან მოხარული არიან თუ ჩადებული თანხიდან დიდ უკუგებას ნახავენ, თუმცა მათ ჩამოყალიბებულად იციან, რომ ძალიან მაღალ სარისკო პროექტებში დებენ ფულს და შეიძლება ეს ფული დაკარგონ.
„სტარტაპ ბიუროს შემდეგი გაგრძელება იყო აქსელი, რომელიც არის ქართველ ანგელოზ ინვესტორთა ქსელი და რომელიც ჩვენ შევქმენით სადღაც ერთი წლის წინ. ძალიან წარმატებული პროექტია, ამ პერიოდში მას ჰყავს 70-ზე მეტი მოქმედი წევრი, ყოველთვიურად იმართება საინვესტიციო შეხვედრები, სადაც სტარტაპები გამოდიან და თავის სტარტაპების შესახებ ჰყვებიან. შემდეგ ინვესტორები ინვესტირებაზე იღებენ გადაწყვეტილებას და აღსანიშნავია, რომ ყველა შეხვედრაზე მოხდა ინვესტირება.
მსოფლიო ბანკი ძალიან გვეხმარება აქსელის განვითარებაში, იქ არის პროგრამა „ისწავლე კეთების დროს“, ეს პროგრამა 9 თვე გაგრძელდა, შემდეგი ორი დღის განმავლობაში იქნება წარმატებული მონაწილეების დაჯილდოებები, სადაც აქსელის ინვესტორებმა ისწავლეს ბევრი რამ, თუ როგორ უნდა მოხდეს სიმბიცირება, პირველდი თანხის ინვესტირება , რა პირობები უნდა ჩაუდო სტარტაპს, სტარტაპებმაც ისწავლეს თუ როგორ უნდა ელაპარაკონ ინვესტორებს, სწორედ როგორ უნდა წარმოადგინონ პროექტი და ა.შ. იმის მიუხედავად, სტარტაპი იდეის დონეზეა თუ უკვე განვითარებული სტარტაპია მას შეუძლია სამომავლო ინვესტორებს სწორ ფორმატში და სწორ ადგილას მოუყვეს თავისი სტარტაპის შეახებ“, - აღნიშნა დიმიტრი ქუმსიშვილმა.
ქუმსიშვილის თქმით, აქსელის მიზანია, რომ ქართველებს ევროპულ სტარტაპებში ინვესტირების შესაძლებლობა მიეცე, ასევე ისინი შეძლებენ ევროპული სტანდარტების გაცნობასაც. Მისივე თქმით, ასეთი ფორმატი აქამდე საქართველოში არ არსებობდა და სტარტაპ ეკოსისტემას ასეთი ფორმატი სჭირდება.
თაკო კვაჭანტირაძე
დიმიტრი ქუმსიშვილი
