საერთაშორისო საფინანსო ინსტიტუტები ვარაუდობენ, რომ მომავალ წელს გლობალური ზრდა შესაძლოა 2009 წლის დონემდე დაეცეს. რადგან რუსეთსა და უკრაინას შორის ომი გლობალურ ეკონომიკაზე ზეწოლას განაგრძობს, - ამის შესახებ ინფორმაციას bloomberg ავრცელებს.
ეკონომისტებმა, მათ შორის რობინ ბრუკსმა და ჯონათან ფორტანმა განაცხადეს, რომ ეკონომიკური ზრდა 2023 წელს სავარაუდოდ 1.2%-მდე დაეცემა, რადგან როგორც ისინი მოიხსენიებენ “მუდმივი ომი“ გრძელდება.
ბრუკსი და ფორტუნი აღნიშნავენ, რომ მიმდინარე კონფლიქტმა საფონდო ბირჟებზე ცვალებადობა გამოიწვია, ფასები გაიზარდა ნავთობსა და ხორბალზე, რაც შეაფერხებს ეკონომიკურ ზრდას შემდეგი წლების განმავლობაში.
„ჩვენ ვვარაუდობთ, რომ ბრძოლა 2024 წლამდე გაგრძელდება, იმის გათვალისწინებით, რომ კონფლიქტი პუტინისთვის „ეგზისტენციალურია“.- წერენ ეკონომისტები.
IIF-ის მიხედვით ევროზონის ეკონომიკა სავარაუდოდ 2%-ით შემცირდება.
თაკო კვაჭანტირაძე