• ინიციატივა „კურიერებისთვის“ ადგენს სოციალური უფლებების ახალ სტანდარტს, რომელიც მოიცავს სამართლიან ანაზღაურებას, გაუმჯობესებულ დაზღვევას, 360° უსაფრთხოებასა და კურიერთა საზოგადოებაზე ზრუნვას. 

• საქართველო მსოფლიოში ერთ-ერთი პირველი ქვეყანაა, სადაც ეს ინიციატივა ამოქმედდა. 
  

თბილისი, 14 აპრილი, 2022 — Glovo, მსოფლიოში ერთ-ერთი წამყვანი მრავალკატეგორული მიწოდების პლატფორმა, დღეს მნიშვნელოვან განახლებას აანონსებს „კურიერებისთვის“ შესახებ. ეს ინიციატივა 2021 წლის ოქტომბერში ამოქმედდა და წარმოადგენს კომპანიის ვალდებულებას, გაზარდოს კურიერებისთვის სოციალური უფლებების ხელმისაწვდომობა და შესთავაზოს სხვადასხვა შეღავათი, განურჩევლად კომპანიაში დასაქმების თუ სამუშაო სტატუსისა. 

„კურიერებისთვის“ შეიქმნა პროექტ Fairwork-ის რჩევებითა და რეკომენდაციებით. ინიციატივა ადგენს ახალ სტანდარტებს, რომელიც მოიცავს სამართლიან საათობრივ ანაზღაურებას, დამატებით სადაზღვევო სარგებელს და ტრენინგზე ხელმისაწვდომობას, უსაფრთხოებას და უფასო სასწავლო კურსებს. კომპანიაში მიიჩნევენ, რომ გიგ-ეკონომიკა კურიერებისთვის წარმოადგენს შემოსავლის მნიშვნელოვან წყაროს და ამიტომაც, აუცილებელია მათთვის სოციალური უფლებებისა და სხვადასხვა შეღავათის ხელმისაწვდომობა, მიუხედავად იმისა, თუ რა ფორმატით იყენებენ კურიერები პლატფორმას.

პროგრამის დაწყებიდან ამ დრომდე, Glovo კურიერებს სთავაზობს:

• უსაფრთხოება და მისი უზურნველყოფა (360° უსაფრთხოება) — კურიერებისთვის საგზაო უსაფრთხოების კურსები.
  

• 2021 წლის დეკემბერსა და 2022 წლის მარტში, Glovo-მ კურიერებს საგზაო უსაფრთხოების ტრენინგები შესთავაზა. აღნიშნულ ინიციატივაში 300 სკუტერის და 300-მდე მანქანის მძღოლი ჩაერთო. EASST Academy-სთან და Fédération Internationale de l'Automobile-თან (FIA) პარტნიორობით, პროექტის მიზანია საგზაო უსაფრთხოების მიმართულებით ცნობიერების ამაღლება და კურიერებისთვის მნიშვნელოვანი გაიდლაინების შეთავაზება - როგორ აირიდონ თავიდან ავტოსაგზაო შემთხვევები.

• პირველადი დახმარების ტრენინგები, სადაც 300 სკუტერის მძღოლი ჩაერთო. აღნიშნული პროექტის პარტნიორები არიან EASST და Fédération Internationale de l'Automobile (FIA). ტრენინგების მიზანია მძღოლების ინფორმირება, საგანგებო სიტუაციების დროს, უსაფრთხოების აღჭურვილობის სწორად გამოყენების შესახებ. 
  

• კურიერების საზოგადოებაზე ზრუნვა — დღეს კურიერები სარგებლობენ უფასო კურსებით მეწარმეობის, IT უნარების ან ენების მიმართულებით, რათა განავითარონ პროფესიული უნარები. ჩვენ გვსურს გზა გავუხსნათ კურიერებს, რათა ცხოვრებაში შემდეგი ნაბიჯი გადადგან და განავითარონ თავიანთი უნარები კურსების, ტრენინგებისა და შეხვედრების მეშვეობით, რათა შეაფასონ ცოდნისა და უნარების როლი კარიერულ განვითარებაში. ჩვენ გვჯერა, რომ იყო კურიერი, ეს არის მარტივი და ხელმისაწვდომი გზა სამუშაო ბაზარზე შესასვლელად; მაგრამ არა სამუდამო არჩევანი. 

• Impact Hub-ის ტრენინგების პირველი სერია გასული წლის დეკემბერში დაიწყო და ერთი კვირის განმავლობაში, 25-მა კურიერმა მიიღო მონაწილეობა. Impact Hub Tbilisi არის პროფესიული საწევრო ორგანიზაცია, რომელიც შექმნილია ინდივიდების, საწარმოების, დამწყები ბიზნესების და ორგანიზაციებისთვის, რომლებიც პოზიტიურ გავლენას ახდენენ საქართველოზე. ორგანიზაცია მთელს მსოფლიოში აერთიანებს  85-ზე მეტ Impact Hub-სა და 15000-ზე მეტ წევრს. ეს არის რესურსების უნიკალური ეკოსისტემა, რომელიც ადამიანებს შთაგონებისა და თანამშრომლობის შესაძლებლობებს სთავაზობს. კურიერებმა მიიღეს ინფორმაცია ისეთ თემებზე, როგორიცაა „როგორ დავიწყოთ ბიზნესი დამოუკიდებლად?“. ტრენინგის მიზანია საკურიერო საზოგადოების გაძლიერება და მათთვის მეწარმეობის, ბიზნესის მენეჯმენტის ან IT უნარების ტრენინგის სერვისების მიწოდება, რაც კურიერებს პროფესიული უნარების განვითარებასა და დამატებითი ცოდნის მიღებაში ეხმარება.

• რაც შეეხება ანაზღაურებას, რომელიც მთელი პროცესის ერთ-ერთი ყველაზე მნიშვნელოვანი ნაწილია, Glovo-მ კურიერებს შესთავაზა უფრო სამართლიანი შემოსავალი - რაც ნიშნავს ყოველსაათობრივი ანაზღაურების სრულ გამჭირვალობას, კურიერის სამუშაო ფორმატის მიუხედავად. „ერთგულების ბონუსი“ მოიცავს შესულებული ან გაცვლილი სამუშაო დროის ანაზღაურებას. ხოლო შემოსავალი ფიქსირებულია და დამოკიდებულია შეკვეთის რაოდენობაზე, გასავლელ მანძილსა და ლოდინის დროზე. ასევე, მომხმარებელთა მიერ დატოვებული „ჩაის“ 100%, კურიერების საკუთრებაა. აღსანიშნავია, რომ დანიშნულების ადგილზე მისვლის შემთხვევაშიც, სრულად ანაზღაურებადია გაუქმებული შეკვეთა. 
  

„კურიერებისთვის“ ფარგლებში, მიმდინარეობს დამატებითი ქმედებები. Glovo პარტნიორ კურიერს სთავაზობს დამატებით შეღავათებს: ფასდაკლებებს, უსაფრთხოების ტრენინგებს, ანტიდისკრიმინაციულ პოლიტიკას და გასაჩივრების შესაძლებლობას, G-სწავლებას, დეკრეტულ, მამობისა და ავადმყოფობის შვებულებას. დამატებითი შეღავათები ამოქმედდა ყველა კურიერისთვის, 10-ვე ქალაქში, სადაც Glovo ოპერირებს. 

საშა მიქაუდი, Glovo-ს თანადამფუძნებელი: „ჩვენ ვგრძნობთ, რომ ეს ინიციატივა ადგენს ინდუსტრიის ახალ სტანდარტს უფრო სამართლიანი გიგ-ეკონომიკისთვის. Glovo-ში ჩვენ ყოველთვის გვსურდა, რომ ჩვენს კურიერებს უფრო სამართლიან სოციალურ უფლებებზე ჰქონოდათ წვდომა, მიუხედავად მათი საკონტრაქტო ურთიერთობისა. 2023 წლისთვის ჩვენ ველოდებით, რომ ვითანამშრომლებთ დაახლოებით 240,000 კურიერთან მთელს მსოფლიოში და ჩვენ მზად ვართ თითოეულ მათგანს შევთავაზოთ უკეთესი სოციალური უფლებები, შეღავათები და ასევე, დავიცვათ მათი ავტონომია და მოქნილი გრაფიკი, რომელსაც ისინი ასე აფასებენ.“  

Fairwork-ის აუდიტის პროცესი

„კურიერებისთვის“ ფარგლებში აღებული ვალდებულებები დაექვემდებარება გარე აუდიტს (Fairwork) და ყველა დასკვნა იქნება საჯარო. როგორც დამოუკიდებელი მხარე, Fairwork არ მონაწილეობს კომპანიის შიდა აქტივობებში, მაგრამ დააკვირდება და შეაფასებს იმ პროგრესს, რაც უფრო სამართლიანი სამუშაო პირობების ხუთ პრინციპს მოჰყვება.

დასასრული

Glovo-ს შესახებ:

Glovo ტექნოლოგიური კომპანიაა, რომელიც შესაძლებლობას გაძლევთ იყიდოთ, აიღოთ და გაგზავნოთ ნებისმიერი პროდუქტი იმავე ქალაქში, ერთ საათზე ნაკლები დროის განმავლობაში. აპლიკაციას ამჟამად 1.8 მილიონი ყოველთვიური მომხმარებელი და 25,000 ასოცირებული პარტნიორი ყავს. Glovo ოპერირებს 23 ქვეყნის მასშტაბით ევროპაში, ლათინურ ამერიკასა და აფრიკაში.

დამატებითი ინფორმაციისთვის ეწვიეთ შემდეგ გვერდს: www.glovoapp.com . 

(R)