საინვესტიციო ბანკ Goldman Sachs-ის თანახმად, 2023 წელს ნავთობზე მოთხოვნის ზრდის შედეგად ფასებიც მოიმატებს და 100 აშშ დოლარსაც გადააჭარბებს - ამის შესახებ ინფორმაციას businessinsider ავრცელებს, მათივე ცნობით  მეოთხე კვარტალში Brent ის ტიპის ნედლი ნავთობის ღირებულება 105 დოლარსაც მიაღწევს. 

აშშ - ის საინვესტიციო ბანკი პროგნოზირებს, რომ 2023 წელს ნავთობზე მსოფლიო მოთხოვნა  დღეში 2,7 მილიონი ბარელით გაიზრდება და წლის მეორე  ნახევარძი  ბაზარზე დეფიციტი გაჩნდება. 

ორშაბათს  ნავთობის  ფასი 4% - ით მას  შემდეგ გაიზარდა რაც შაბათ- კვირას  ჩინეთმა საზღვრები გახსნა. 

2023 წლის პირველი ნახევრის საიმპორტო კვოტების მიხედვით, ჩინეთი 132 მილიონი ტონა ნავთობის იმპორტს გეგმავს, რაც 20%-ით მეტია წინა წლის ანალოგიური პერიოდის მაჩვენებელზე. იმის გათვალისწინებით, რომ ჩინეთი ნავთობის უმსხვილესი მომხმარებელია მსოფლიოში, ქვეყანაში ნავთობზე მოთხოვნის ზრდას მნიშვნელოვანი გავლენა აქვს გლობალურ ენერგეტიკულ ბირჟაზე. მისი ეკონომიკის აღდგენა საწვავის მოხმარებას ზრდის, რაც ნავთობის ფასებზეც აისახება.

ბოლო ერთი კვირის განმავლობაში ნავთობის ფასებმა მკვეთრად მოიმატა, Brent-ის ღირებულება 6%-ით, 83.8 დოლარამდეა გაზრდილი, WTI კი 5.8%-ითაა გაძვირებული და 78.5 დოლარი ღირს.

მოთხოვნის მოსალოდნელი ზრდის ფონზე, Goldam Sachs-ის თანახმად, OPEC+ მზად იქნება შეცვალოს წარმოების შემცირების გადაწყვეტილება, რომელიც გასული წლის ოქტომბერში მიიღო. თუმცა, თუ მოთხოვნა ნავარაუდევზე ნაკლები იქნება, ნავთობის მწარმოებელთა და ექსპორტიორთა კავშირმა, შესაძლოა, წარმოება პირიქით შეამციროს.

ბანკის ანალიტიკოსების თანახმად, 2023 წელს ყველაზე კარგი წელი აქტივებიდან საქონლებისთვის ჯგუფისთვის იქნება. 2023 წლის პირველი კვარტალი, შესაძლოა, უფრო დამთრგუნველი იყოს, თუმცა წლის დანარჩენ პერიოდში ინვესტიციების დაბალი დონე ნავთობის, გაზისა და ძირითადი მეტალების სექტორში საფუძველს ჩაუყრის ახალ „სუპერციკლს“ სასაქონლო ბაზარზე.